حلیمہ سلطان کی پاکستانی لباس میں تصاویر نے مداحوں کو دیوانہ بنادیا

کراچی:عالمی شہرت یافتہ ترکش ڈرامے’’ارطغرل غازی‘‘ میں حلیمہ سلطان کا مرکزی کردار ادا کرنیوالی ترک اداکارہ اسرابلجیک کی پاکستانی لباس میں تصاویر نے مداحوں کو دیوانہ بنادیا۔

اسرابلجیک نے انسٹاگرام پر کچھ نئی تصاویر شیئرکی ہیں جس میں انہوں نے نامور پاکستانی برانڈ کے دلکش ملبوسات زیب تن کیے ہوئے ہیں،اس پوسٹ کو دنیا بھر میں موجود ان کے مداحوں کی جانب سے بے حد پسند کیا جا رہاہے۔

View this post on Instagram

A post shared by Esra Bilgiç (@esbilgic)

واضح رہے کہ اس سے قبل پاکستان ٹیلی ویژن سے نشر ہونے والے ترکی ڈرامے ارطغرل غازی میں حلیمہ سلطان کا کردار ادا کرنیوالی اسرا بلجیک نے ہمیشہ خوبصورت نظر آنے کا راز مداحوں کوبتادیا تھا۔

اپنی تصویر کے ساتھ صرف ایک جملے میں انہوں نے لکھا ’’ہم جتنے سادہ ہوتے ہیں، ہم اتنے ہی مکمل ہوجاتے ہیں،‘‘ جو دراصل اْنیسویں صدی کے مشہور فرانسیسی مجسمہ ساز آگستے رودین کا مشہور قول ہے۔

مزید پڑھیں:حلیمہ سلطان کے مداحوں کیلئے خوشخبری، اسرا بلجیک اب تیمور کیساتھ نظر آئینگی

انہوں نے اس تصویر میں کسی قسم کا میک اپ نہیں کیا ہوا جبکہ تصویر کے ساتھ لکھے گئے قول کے ذریعے اسرا بلجیک نے یہ یہی بتایا ہے کہ حقیقی خوبصورتی سادگی میں ہوتی ہے اور یہ کہ انسان جتنا زیادہ سادگی اختیار کرتا ہے، وہ خود کو اتنا ہی مکمل اور مطمئن محسوس کرتا ہے۔