میں فلسطین اور انسانیت کے ساتھ ہوں، وسیم اکرم

کراچی:سوئنگ کے سلطان قومی کرکٹ ٹیم کے سابق کپتان وسیم اکرم کا کہنا ہے کہ وہ قابض اسرائیلی فورسز کی وحشیانہ بمباری کے شکار فلسطینی عوام کے ساتھ ہیں۔

سابق کپتان کا فلسطین پر اسرائیلی جارحیت کے حوالے سے مائیکرو بلاگنگ سائٹ ٹوئٹر پر جاری کیے گئے پیغام میں کہنا تھا کہ کھیل میں آپ جس ٹیم کو بھی سپورٹ کریں، لیکن یہ کھیل نہیں بلکہ جنگ ہے۔

It doesn’t matter what side you’re on, or which team you support, this is not a game, it’s War and at the end of the day when there has been death and suffering there will never be a winner, everyone has already lost! #IStandWithPalestine #IStandForHumanity

— Wasim Akram (@wasimakramlive) May 19, 2021

سابق کرکٹر نے کہا کہ یہ جنگ ہے اور جنگ میں کسی کی جیت نہیں ہوتی۔انہوں نے کہا کہ جنگ ہوتی ہے تو صرف نقصان ہوتا ہے اور ہر کوئی ہارتا ہے۔وسیم اکرم کا کہنا تھا کہ میں فلسطین کے ساتھ ہوں، میں انسانیت کے ساتھ ہوں۔

واضح رہے کہ مظلوم فلسطینیوں کی حمایت میں کھلاڑیوں کے ساتھ ساتھ شوبز سے تعلق رکھنے والی شخصیات بھی اپنا رد عمل ظاہر کررہی ہیں اور مظلوم فلسطینیو ں سے اظہار ہمدردی کا سلسلہ جاری ہے۔

مزید پڑھیں: خوش قسمت ہوں، اللہ نے بیٹیوں سے نوازا ہے، شاہد آفریدی