گوگل نیوز پر ہمیں فالو کریںاسلام آباد: وزیرِ اعظم عمران خان سعودی عرب کا 3 روزہ دورہ کامیابی سے مکمل کرنے کے بعد وطن واپس پہنچ گئے ہیں۔
سماجی رابطے کی ویب سائٹ ٹوئٹر پر اپنے پیغام میں سینیٹر فیصل جاوید خان نے کہا کہ وزیرِ اعظم سعودی عرب کا سرکاری دورہ مکمل کرکے وطن واپس پہنچ چکے ہیں جس کے دوران اللہ تعالیٰ نے بہت مہربانی فرمائی۔
پیغام میں سینیٹر فیصل جاوید خان نے کہا کہ وزیرِ اعظم کے کامیاب دورے کے دوران پاکستان اور سعودی عرب نے دو طرفہ سماجی و اقتصادی، تجارتی و ثقافتی اور سفارتی تعلقات کو مزید مضبوط بنانے کے عزم کا اعادہ کیا ہے۔
Alhamdulillah PM Imran Khan has reached back home after a successful and a blessed tour of Saudi Arabia. ALLAH has been extremely kind. Pakistan & Saudi Arabia have reaffirmed the resolve to further strengthen bilateral socioeconomic, commercial, cultural & diplomatic relations
— Faisal Javed Khan (@FaisalJavedKhan) May 9, 2021
یاد رہے کہ اِس سے قبل وزیراعظم عمران خان نے سعودی عرب میں عمرے کی ادائیگی کے بعد روشن ڈیجیٹل اکاؤنٹس کی تقریب سے خطاب کرتے ہوئے کہا کہ سعودی عرب پاکستان کا دیرینہ دوست ہے جس نے ہمیشہ مشکل وقت میں ہمارا ساتھ دیا، حالیہ دورے کے دوران پاک سعودی عرب تعلقات مزید مضبوط ہو گئے ہیں۔
گزشتہ روز خطاب کے دوران وزیرِ اعظم نے کہا کہ اخبارات میں مایوسی کی خبریں آتی ہیں لیکن میں اپنی قوم کو خوشخبری سنانا چاہتا ہوں کہ اب وہ پاکستان بنے گا جو 70 سال پہلے بننا چاہیے تھا۔ ہم قائداعظمؒ کے پاکستان کے ٹریک پر واپس آ گئے ہیں۔ مافیا سے آزادی کی جنگ میں تھوڑا وقت لگے گا، تاہم بہت جلد آپ کے سامنے نیا پاکستان آجائے گا۔
مزید پڑھیں: دیرینہ دوست سعودی عرب نے ہر مشکل وقت میں ساتھ دیا، وزیر اعظم
