نندی پور پاور پراجیکٹ، بابر اعوان کی بریت کے خلاف نیب اپیل پر سماعت 15 اکتوبر کو ہوگی

نندی پور پاور پراجیکٹ میں تاخیری ریفرنس میں بابر اعوان کی بریت کے خلاف نیب کی اپیل سماعت پندرہ اکتوبر کو ہوگی

 اسلام آباد: نندی پور پاور پراجیکٹ میں تاخیر کے ریفرنس پر بری ہونے والے پاکستان تحریک انصاف کے رہنما بابر اعوان کیخلاف نیب کی اپیل سماعت کیلئے مقرر کر دی گئی۔

 ہائی کورٹ کا دو رکنی بینچ 15 اکتوبر کو اپیل پر سماعیت کرے گا، مطابق احتساب عدالت کے سابق جج ارشد ملک نے پاکستان تحریک انصاف کے رہنما بابر اعوان کو 25 جون کو رہا کیا تھا۔

نیب نے فیصلے کیخلاف اپیل دائر کی تھی جس کے بعد اسلام آباد ہائیکورٹ نے نیب اپیل سماعت کیلئے مقرر کر دی ہے۔

نیب کی طرف سے احتساب عدالت کا فیصلہ کالعدم قرار دینے کی استدعا کی گئی ،اسلام آباد ہائی کورٹ کا دو رکنی بنچ 15 اکتوبر کو اپیل پر سماعت کرے گا۔

جسٹس عامر فاروق اور جسٹس محسن اختر کیانی ڈویڑن بنچ میں شامل ہوں گے جو کیس کی سماعت کریں گے۔