کورونا سے اموات پر افسوس، امید ہے یہ وباء جلد ختم ہوجائے گی، شنیرا اکرم

سڈنی: قومی کرکٹ ٹیم کے سابق کپتان وسیم اکرم کی اہلیہ اورسماجی کارکن شنیرااکرم نے کورونا وائرس کی وجہ سے ہونیوالی اموات پر اظہار افسوس کرتے ہوئے کہا ہے کہ امید ہے یہ وباء جلد ختم ہوجائے گی۔

اپنے ایک ٹوئٹر پیغام میں انہوں نے کہا کہ کورونا کی وباء انسانوں کی جانیں لے رہی ہے ، کاروبار خراب کررہی ہے اور تعلیم کو تباہ کررہی ہے، دماغی امراض میں اضافہ ہورہا ہے ، یہ وباء ہماری دنیا کو تقسیم کررہی ہے اور خاندانوں کو الگ کررہی ہے۔

COVID is taking lives,crippling businesses,destroying education, increasing mental illness,dividing our world & ripping families apart.I know my husband sent us to Oz to be safe but nothing makes me wish the end of COVID more than hearing our baby cry for her daddy every night ????

— Shaniera Akram (@iamShaniera) March 28, 2021

انہوں نے لکھا کہ میں جانتی ہوں کہ میرے شوہر نے ہمیں آسٹریلیابھیج دیا تاکہ ہم محفوظ رہیں لیکن میری بیٹی روز رات کو اپنے والد کو یاد کرکے روتی ہے۔ان کا کہنا ہے کہ ہماری خواہش ہے کہ کورونا کی وباء جلد دنیا سے ختم ہو کیونکہ اس نے زندگیوں کو بری طرح متاثر کیا ہے،اس سے قبل شنیرا اکرم نے رواں ماہ اپنی 38 ویں سالگرہ 20 مارچ کو آسٹریلیا میں منائی تھی۔

اس سے قبل قومی کرکٹ ٹیم کے سابق کپتان اور موجوہ کرکٹ کمنٹیٹر وسیم اکرم نے سالِ نو کے موقع پرسوشل میڈیا پر نئے سال کی مناسبت سے ایک ویڈیو پیغام شیئر کیا جس میں انہوں نے سب کو نئے سال کی مبارکباد دی۔

سابق کپتان وسیم اکرم نے کہا کہ امید ہے یہ سال پچھلے سال سے بہتر ہوگا۔شنیرا بیٹی عائلہ کے ساتھ آسٹریلیا میں ہے، فیملی کو مِس کر رہا ہوں۔وسیم اکرم نے اپنے ویڈیو پیغام میں سالِ نو پر خود سے عہد کرنے والوں کو مفید مشورہ بھی دیا۔