میکسیکو میں پولیس کے قافلے پر حملہ، 13اہلکار ہلاک ہوگئے

میکسکو: شمالی امریکی ملک میکسیکو میں پولیس قافلے پر جرائم پیشہ عناصر کے حملے کے نتیجے میں 13 اہلکار ہلاک ہوگئے۔

بین الاقوامی خبر رساں ادارے کے مطابق شمالی امریکی ملک میکسیکو میں پولیس قافلے پر جرائم پیشہ افراد کے حملے کے نتیجے میں 13 اہلکار ہلاک ہوگئے۔

پولیس کے قافلے پر حملہ اُس وقت کیا گیا جب پولیس کا قافلہ گشت پر مامور تھا جب کہ جس علاقے میں حملہ کیا گیا وہاں مسلح گروہ اور جرائم پیشہ افراد نے اپنی آماج گاہ بنائی ہوئی ہے۔اس علاقے میں جرائم پیشہ عناصر منشیات فروشی کا دھندہ کرتے ہیں۔

پولیس پر حملے کے بعد میکسیکو نیشنل گارڈ اور دیگر سیکیورٹی فورسز کی بڑی تعداد کو طلب کرلیا گیا ہے اور حملہ آروں کی تلاش کے لیے علاقے کا گھیراؤ کرلیا گیا ہے۔پولیس کا کہنا ہے کہ جرائم پیشہ عناصر کو کسی صورت نہیں بخشا جائے گا۔

واضح رہے کہ شمالی امریکی ملک میکسیکو منظم جرائم اور منشیات کے کاروبار سے منسلک مسلح گروہوں کے حوالے اپنی شہرت رکھتا ہے، جبکہ متعدد جگہوں پر بھی جرائم پیشہ گروہوں نے قبضہ کیا ہوا ہے۔