جرمن حکومت پاکستان کو پولیو کے خاتمے کیلئے مزید 5 ملین یورو دے گی

اسلام آباد:جرمن حکومت پاکستان کو پولیو کے خاتمے کیلئے مزید 5 ملین یورو دے گا،فنڈز بچوں کو پولیو سے بچاؤ کے قطرے پلانے کیلئے پولیو مہمات میں استعمال ہوگا۔

عالمی ادارہ صحت کے سربراہ ڈاکٹر پلیتا ماہیپالا کے مطابق فنڈز کی فراہمی پر جرمن حکومت کا شکریہ ادا کرتے ہیں۔عالمی ادارہ صحت کے سربراہ ڈاکٹر پلیتا ماہیپالا نے کہاکہ فنڈز انسداد پولیو مہمات اورٹرانزٹ پوائنٹس پر پولیو سے بچاؤ کے قطرے پلوانے میں استعمال ہوگا۔

انہوں نے کہاکہ پولیو کے خاتمے کیلئے مشترکہ کوشش قابل ستائش ہیں، فنڈز سے بڑی حد تک پولیو مہمات میں بہتری آئے گی- ڈی جی ہیلتھ ڈاکٹر رانا صفدر نے کہاکہ فنڈز پر جرمن عوام کے شکر گزار ہیں۔

انہوں نے کہاکہ پولیو کے خاتمے کی کوششوں میں جرمن حکومت کا بڑا کردار ہے،اسلام آباد جرمنی پولیو کے خاتمہ کیلئے اب تک 691 ملین امریکی ڈالر امداد کر چکا ہے۔

مزید پڑھیں: دُنیا بھر میں کورونا سے 9 کروڑ 35 لاکھ افراد متاثر، 20 لاکھ سے زائد ہلاک