عوام کے مفاد میں احتجاجی سیاست کو ملتوی ہونا چا ہیے، فواد چوہدری

اسلام آباد: وفاقی وزیر سائنس و ٹیکنالوجی چوہدری فواد حسین نے بھی کورونا کیسز کے پیش نظر اپوزیشن کو جلسے جلوس ملتوی کرنے کا مشورہ دیدیا۔

اپنے ایک ٹوئٹر پیغام میں انہوں نے کہا ہے کہ عوام کے مفاد میں احتجاجی سیاست کو ملتوی ہونا چاہئے،مذاکرات کا ماحول بنانا ضروری ہے وہ شخصیات جن کا عموعی احترام ہے اور جو حکومت اوراپوزیشن دونوں میں احترام کی نظر سے دیکھے جاتے ہیں وہ آگے آئیں اور مذاکرات کا ماحول بہتر بنانے میں کردار ادا کریں، تلخیاں کم کریں ملک کیلئے ضروری ہے۔

عوام کے مفاد میں احتجاجی سیاست کو ملتوی ہونا چاہئے،مذاکرات کا ماحول بنانا ضروری ہے وہ شخصیات جن کا عموعی احترام ہے اور جو حکومت اوراپوزیشن دونوں میں احترام کی نظر سے دیکھے جاتے ہیں وہ آگے آئیں اور مذاکرات کا ماحول بہتر بنانے میں کردار ادا کریں، تلخیاں کم کریں ملک کیلئے ضروری ہے

— Ch Fawad Hussain (@fawadchaudhry) December 11, 2020

واضح رہے کہ ملک میں کورونا وائرس کی دوسری لہر جاری ہے اور یومیہ ہزاروں کیسز سامنے آرہے ہیں تاہم اپوزیشن جماعتیں ہر صورت جلسوں کے انعقاد پر بضد ہیں۔

گزشتہ روز وزیراعظم عمران خان نے کورونا وائرس کے بڑھتے ہوئے کیسز کے باعث اپوزیشن کو کہا تھا کہ جلسوں سے حکومت کو کچھ نہیں ہوگا، عوام کی جانیں خطرے میں نہ ڈالیں، کورونا کی دوسری لہر انتہائی خطرناک ہے، مخالفین احتجاج دو یا تین ماہ موخر کردیں۔

مزید پڑھیں:کورونا نے مزید 50 پاکستانیوں کی زندگیاں چھین لیں،3 ہزار 47نئے کیسز رپورٹ

وبا کی صورتحال سے متعلق اظہار خیال کرتے ہوئے وزیراعظم عمران خان کا کہنا تھا کہ جلسے، جلوس کرنے والے عوام کی جانوں کو خطرے میں ڈال رہے ہیں۔ انہوں نے کہا کہ کورونا کی حالیہ صورتحال کا بحیثیت قوم مقابلہ کرنا ہے۔ بڑھتی سردی کے ساتھ کورونا کے زیادہ پھیلنے کا خدشہ ہے۔

وزیر اعظم نے کہا کہ پہلی لہر کے دوران قوم نے مل کر ایس او پیز کو فالو کیا تو اللہ نے کرم کیا۔ اُن کا کہنا تھا کہ بھارت اور ایران میں کورونا سے بہت برے حالات ہیں لیکن اللہ تعالیٰ نے پاکستان کو بچایا ہوا ہے اور ہم ایس او پیز پر عمل کرکے اس سے محفوظ رہ سکتے ہیں۔