پاک فوج چین کے ساتھ برادرانہ تعلقات کی بہت قدر کرتی ہے، آرمی چیف

راولپنڈی: آرمی چیف جنرل قمر جاوید باجوہ سے چین کے وزیر قومی دفاع نے اہم ملاقات کی،جس میں دوطرفہ دفاعی تعاون پر بات چیت کی گئی۔

ڈی جی آئی ایس پی آر کے جاری کردہ بیان کے مطابق سپہ سالارجنرل قمر جاوید باجوہ سے چین کے وزیر قومی دفاع جنرل وء فینگ نے جی ایچ کیو میں ملاقات کی،جس کے دوران باہمی دلچسپی کے امور، علاقائی سلامتی اور دوطرفہ دفاعی تعاون پر تفصیلی گفتگو کی گئی۔

General Wei Fenghe, Minister of National Defence, #China met #COAS. During the meeting, matters of mutual interest, regional security and enhanced bilateral defence collaboration were discussed. Visiting dignitary ack & aprc Pak Army’s sincere efforts 4 regional peace & (1/3) pic.twitter.com/mIuijCXD88

— DG ISPR (@OfficialDGISPR) November 30, 2020

معزز مہمان نے پاک فوج کی علاقائی امن اور سی پیک منصوبوں کے لئے محفوظ ماحول کی فراہمی کے لئے کاوشوں کو سراہا۔

اس دوران پاک فوج کے چاق و چوبند دستے نے معزز مہمان کو گارڈ آف آنر پیش کیا جبکہ چینی وزیردفاع نے یادگار شہداء پر بھی حاضری دی اور پھول چڑھائے۔ دونوں افواج کے مابین دفاعی تعاون کو بڑھانے کے لئے ایک مفاہمت کی یادداشت پر دستخط بھی کئے گئے۔

سپہ سالار نے علاقائی اور بین الاقوامی فورمز میں تمام اہم امور پر چین کی پاکستان کے لئے حمایت پر معزز مہمان کاشکریہ ادا کرتے ہوئے کہا کہ پاک فوج چین کے ساتھ برادرانہ تعلقات کی بہت زیادہ قدر کرتی ہے۔