کراچی: وزیرِ اطلاعات سندھ ناصر حسین شاہ نے پاکستان کرکٹ بورڈ سے شکوہ کیا ہے کہ زمبابوے کے خلاف قومی کرکٹ ٹیم اسکواڈ میں سندھ کے کھلاڑیوں کو نظر انداز کیا گیا ہے۔
سماجی رابطے کی ویب سائٹ ٹوئٹر پر گزشتہ روز اپنے پیغام میں وزیرِاطلاعات سندھ ناصر حسین شاہ نے کہا کہ آج پاکستان کرکٹ ٹیم کا اعلان کیا گیا لیکن یہ دیکھ کر بہت افسوس ہوا کہ سندھ سے ایک بھی کھلاڑی اس میں شامل نہیں ہے۔
پیغام میں وزیرِ اطلاعات سندھ ناصر حسین شاہ نے کہا کہ اسی طرح ماضی میں بھی قومی کرکٹ ٹیم کے کھلاڑیوں میں سندھ سے کھلاڑی شامل کرنے کی بجائے ہمیں نظر انداز کیا گیا۔ سندھ کے کھلاڑیوں کو قومی ٹیم میں جگہ نہیں ملتی۔
وزیرِ اطلاعات سندھ ناصر حسین شاہ نے کہا کہ سندھ کو تعصب کا نشانہ بنایا جاتا ہے جس پر سندھ کے عوام اب چپ نہیں بیٹھیں گے۔ انہوں نے اپنے پیغام میں پاکستان کرکٹ بورڈ کو بھی ٹیگ کیا۔
Today, the Pakistani team has been announced, but it is very sad to see that not a single player from Sindh has been included in the team. Similarly, Sindh players hv been ignored in the past as well. Now the ppl of Sindh will not remain silent on such victimisation. @TheRealPCB pic.twitter.com/PZKcZBsjGe
— Syed Nasir Hussain Shah (@SyedNasirHShah) October 19, 2020
یہ بھی پڑھیں: پاکستان کے خلاف سیریز کیلئے زمبابوے ٹیم اسلام آباد پہنچ گئی