شمالی وزیرستان میں فورسز کا آپریشن،2مطلوب دہشتگردہلاک، ایک زندہ گرفتار

راولپنڈی: پاک فوج نے شمالی وزیرستان کے علاقہ میر علی میں کامیاب کارروائی کرتے ہوئے دو دہشتگردوں کو ہلاک کردیا جبکہ ایک کو زندہ پکڑ لیا ہے۔

پاک فوج کے شعبہ تعلقات عامہ (آئی ایس پی آر) کے جاری بیان کے مطابق سیکیورٹی فورسز نے آپریشن خفیہ معلومات کی بنیاد پر کیااور دہشتگردوں کو ان کے انجام تک پہنچا دیا گیا۔

خیال رہے کہ گزشتہ دنوں شمالی وزیرستان میں ہی سیکیورٹی فورسز کو ایک اور9411 بڑی کامیابی حاصل ہوئی تھی جب بارودی سرنگیں بنانیوالے ماہر سمیت 2 دہشتگردوں کو ہلاک کر دیا گیا تھا۔

واضح رہے کہ سیکیورٹی فورسز نے یہ آپریشن بھی خفیہ معلومات پر بویا کے علاقے میں کیا تھا۔ دوران آپریشن دو دہشتگرد ہلاک ہوئے جبکہ ایک کو گرفتار کر لیا گیا۔

مزید پڑھیں: شمالی وزیرستان، سیکورٹی فورسز کی اہم کامیابی،3 دہشتگردہلاک کردیئے