گوگل نیوز پر ہمیں فالو کریںپاکستانی فلم اور ٹی وی انڈسٹری کے معروف فنکار حمزہ علی عباسی کی اداکاری سے کنارہ کشی عارضی نکلی، انہوں نے شوبز میں واپسی کا اعلان کردیا ہے۔
تفصیلات کے مطابق اسلام کے نام پر اداکاری کو خیرباد کہنے والے حمزہ علی عباسی نے شوبز انڈسٹری میں واپسی کا اعلان کرتے ہوئے جلد اسکرین پر نظر آنے کا عندیہ دیا ہے جس پر ان کے مداح خوش نظر آتے ہیں۔
اداکار حمزہ علی عباسی نے ایک آن لائن پروگرام میں شرکت کے دوران انکشاف کیا کہ میں جلد ٹی وی پر نظر آؤں گا۔ شوبز سے میری کنارہ کشی عارضی تھی جسے اب 1 سال کا وقفہ ہوچکا ہے۔ اب بھی 2 پراجیکٹس پر کام جاری ہے۔
یاد رہے کہ اِس سے قبل پاکستانی فلم انڈسٹری کے معروف اداکار حمزہ علی عباسی کے گھر آنے والے نئے مہمان کی تصاویر پر مداحوں کی طرف سے تعریفوں اور دعاؤں کا سلسلہ جاری رہا۔
سماجی رابطے اور فوٹو شیئرنگ کے بڑے پلیٹ فارم انسٹا گرام پر اداکار حمزہ علی عباسی کی تصاویر شیئر کی گئیں جن میں حمزہ عباسی کے بیٹے مصطفیٰ عباسی کو دیکھا جاسکتا ہے۔
مزید پڑھیں: حمزہ علی عباسی کے گھر میں نئے مہمان کی تصاویرپر تعریفیں جاری
