گوگل نیوز پر ہمیں فالو کریںوفاقی وزیر برائے انسانی حقوق ڈاکٹر شیریں مزاری کا کہنا ہے کہ بچوں سے زیادتی اور بدفعلی کے معاملات لاشعوری اور ذہنی جاہلیت کا نتیجہ ہیں۔
لاہور کے نجی ہوٹل میں ویب پورٹل برائے بین الاقوامی معاہدہ جات کی افتتاحی تقریب سے خطاب کرتے ہوئے وفاقی وزیر برائے انسانی حقوق ڈاکٹر شیریں مزاری نے پیپلزپارٹی پر قانون سازی میں رکاوٹ کا الزام عائد کرتےہوئے کہا کہ بچوں کے حقوق کے زینب بل کو پی پی چئیرمین سیاست کی بھینٹ چڑھا رہے ہیں۔
شیریں مزاری نے کہا کہ پاکستان میں ہر شہری کو برابری کے حقوق حاصل ہیں۔ انسانی حقوق کے علمبردار کشمیریوں پر مظالم کے خلاف کیوں خاموش ہیں؟
انہوں نے کہا کہ بین الاقوامی معاہدہ جات کی ویب پورٹل سے کوئی بھی حکومتی معاہدہ عوام سے پوشیدہ نہیں رہے گا۔ پورٹل کے ذریعے حکومتی اقدامات براہ راست عوام کے علم میں ہوں گے۔
