گوگل نیوز پر ہمیں فالو کریںلاہور کی عدالت نے جنگلی جانوروں کو گھر میں پالنے کے خلاف مقدمے میں حاضر نہ ہونے کے باعث گلوکارہ رابی پیرزادہ کے وارنٹ گرفتاری جاری کردئیے ہیں۔
غیر قانونی طور پر گھر میں مگر مچھ اور اژدھے پالنے کے الزام میں مقدمے کا سامنا کرنے والی پاکستانی پاپ سنگر رابی پیرزادہ کے خلاف مقدمے کی سماعت ماڈل ٹاؤن کچہری عدالت میں ہوئی، تاہم رابی پیرزادہ مقدمے میں حاضر نہ ہوسکیں۔
یہ بھی پڑھیں: محسن عباس حیدر اور اہلیہ فاطمہ سہیل کے درمیان عدالت نے خلع کا فیصلہ کردیا
رابی پیرزادہ کے وکیل نے عدالت سے درخواست کی کہ وارنٹ گرفتاری جاری نہ کیے جائیں، ابھی تک محکمہ وائلڈ لائف کی رپورٹ عدالت میں پیش نہیں کی جاسکی۔ محکمہ وائلڈ لائف کے الزام پر مبنی رپورٹ عدالت میں جمع کروانا ضروری ہے۔
بعد ازاں عدالت نے حکم عدولی پر برہمی کا اظہار کرتے ہوئے رابی پیرزادہ کے قابل ضمانت وارنٹ گرفتاری جاری کرتے ہوئے لاہور پولیس کو حکم دیا کہ گلوکارہ کو گرفتار کرکے 11 اکتوبر تک پیش کیا جائے۔
عدالتی حکم کے مطابق رابی پیرزادہ کا 11 اکتوبر تک عدالت میں حاضر ہونا ضروری ہے، تاہم اگر انہوں نے ایسا نہ کیا تو انہیں گرفتار کیا جاسکتا ہے۔ عدالت کے جاری کردہ وارنٹ گرفتاری کے باوجود رابی پیرزادہ کو ضمانت قبل از گرفتاری کا اختیار حاصل ہے۔
یاد رہے کہ اس سے قبل ماڈل اور اداکارہ قندیل بلوچ کو 2016ء میں غیرت کے نام پر قتل کرنے کے جرم میں عدالت نے مرحومہ کے بھائی وسیم کو عمر قید کی سزا سنا دی ہے۔
ملتان کی ماڈل کورٹ میں قندیل بلوچ قتل کیس کی سماعت گزشتہ روز مکمل ہونے کے بعد ماڈل کورٹ کے جج عمران شفیع نے فریقین کے دلائل، گواہوں کے بیانات اور جرح مکمل ہونے کے بعد محفوظ کیا گیا فیصلہ آج سنا دیا ہے۔
مزید پڑھیں: عدالت نے قندیل بلوچ کو قتل کرنے کے جرم میں ملزم کو عمر قید کی سزا سنا دی
