گوگل نیوز پر ہمیں فالو کریںکراچی: وزارتِ خزانہ نے قومی بچت اسکیموں کا نوٹیفیکیشن جاری کردیا ہے جس کے تحت قومی بچت اسکیموں کی شرحِ منافع حسبِ سابق برقرار رکھی گئی ہے اور اس میں کسی قسم کی تبدیلی نہیں کی گئی۔
جاری کردہ نوٹیفیکیشن کے مطابق قومی بچت اسکیموں کے ڈیفنس سرٹیفیکیٹ پر منافع 13.09 فیصد ہوگا جو کہ گزشتہ شرحِ منافع کا تسلسل ہے جبکہ نوٹیفیکیشن کا اطلاق یکم ستمبر 2019ء سے ہوگا۔
یہ بھی پڑھیں: ریکوڈک کیس،حکومت نے6 ارب ڈالر سے زائد جرمانہ چیلنج کرنےکافیصلہ کرلیا
وزارتِ خزانہ کے مطابق بہبود اور پنشن سرٹیفیکیٹ کا منافع 14.76 فیصد رکھا گیا ہے جبکہ ریگولر سرٹیفیکیٹ کا منافع 12.96فیصد رکھا گیا ہے۔ اسپیشل سرٹیفیکیٹ کا منافع 12.70 فیصد رکھا گیا ہے جبکہ اس سے قبل بھی مذکورہ سرٹیفیکیٹس پر منافع کی شرح یہی رکھی گئی تھی۔
یاد رہے کہ اس سے قبل ایشیائی ترقیاتی بینک کی رپورٹ میں براعظم ایشیاء کی پائیدار ترقیاتی اہداف کے لیے ترقی کو متاثر کن قراردیتے ہوئے بتایا گیا کہ پورے براعظم میں غربت کی لکیر سے نیچے گزارنے والوں کی تعداد قابل قدر حد تک کم ہوئی ۔
ایشیائی ترقیاتی بینک کی جاری کردہ رپورٹ کے مطابق 2002ء میں 1ارب 1 کروڑ لوگ غربت کی لکیر سے نیچے پائے گئے، تاہم 2015ء تک ان کی تعداد کم ہو کر 26 کروڑ 40 لاکھ رہ گئی جبکہ دُنیا کی مجموعی برآمدات سے حاصل کردہ آمدنی میں ایشیاء کا حصہ 30 فیصد ہوگیاہے۔
مزید پڑھیں: پائیدار ترقیاتی اہداف کے لیے براعظم ایشیاء کی ترقی متاثر کن ہے۔ایشیائی ترقیاتی بینک
