گوگل نیوز پر ہمیں فالو کریںپاکستانی ریسلر اطہر زاہد نے بھارتی حریف کو شکست دے کر بین الاقوامی چیمپئن شپ کا ٹائٹل برقرار رکھا۔
پاکستان کے 29 سالہ پیشہ ور ریسلر اطہر زاہد نے عیدالاضحی کے دوران نیپال کے دارالحکومت کھٹمنڈو میں منعقدہ گلوبل ریسلنگ گرینڈ ایونٹ میں بھارتی حریف سمراٹ ویریندر کو شکست دے کر اپنا بین الاقوامی چیمپئن شپ ٹائٹل کامیابی سے برقرار رکھا۔
فتح کے بعد اطہر زاہد نے اس کامیابی کو قوم کے نام کرتے ہوئے کہاکہ اگرچہ میں نے عید اپنے اہلِ خانہ سے دور گزاری لیکن یہ جیت میں پاکستان کے 25 کروڑ عوام کے لیے ایک تحفہ سمجھتا ہوں۔
اطہر زاہد کی پیدائش سعودی عرب کے شہر الاحساء میں پاکستانی والدین کے ہاں ہوئی۔ وہ جنوبی ایشیائی ریسلنگ کی دنیا میں تیزی سے ایک نمایاں مقام حاصل کر چکے ہیں۔
یاد رہے کہ انہوں نے اکتوبر 2024 میں بھی اسی شہر کھٹمنڈو میں بھارتی ریسلر سنگھم دوبے کو شکست دے کر پہلی بار بین الاقوامی چیمپئن شپ کا ٹائٹل اپنے نام کیا تھا۔
