گوگل نیوز پر ہمیں فالو کریںلاہور:وزیر اعلیٰ پنجاب سردار عثمان بزدار نے اعلان کیا ہے کہ بزرگ شہریوں کے لیے خصوصی پروگرام کے تحت صوبے میں پینسٹھ برس سے زائد عمر کے بزرگ شہریوں کو ماہانہ الاؤنس دیا جائے گا ۔
بزرگ شہریوں کے عالمی دن کے موقعے پر اپنے خصوصی پیغام میں سردار عثمان بزدار نے کہا کہ بزرگ شہری ہمارے ملک کا سرمایہ ہیں اور بزرگوں کے حقوق کا تحفظ ہر پاکستانی شہری کا فرض ہے۔
وزیر اعلیٰ نے کہا کہ بزرگ شہری اپنا خیال خود نہیں رکھ سکتے، اس لیے بزرگوں کا خیال رکھنا اور ان کا احساس کرنا چاہئے۔ پنجاب حکومت نے باہمت بزرگ پروگرام شروع کردیا ہے جس پر تین ارب روپے کی لاگت آئے گی۔
یہ بھی پڑھیں: لائن آف کنٹرول پر بھارتی گولہ باری سے دو بزرگ پاکستانی شہری شہید
واضح رہے کہ وزیر اعلیٰ پنجاب سردار عثمان بزدار کا باہمت بزرگ پروگرام وزیر اعظم عمران خان کے دورۂ لاہور کے بعد سامنے آیا ہے جس کے دوران انہوں نے شجر کاری مہم کا افتتاح بھی کیا تھا۔ وزیر اعلیٰ پنجاب اور گورنر سے ون ٹو ون ملاقات کے دوران وزیر اعظم کو صوبے میں حکومتی کارکردگی پر بریفنگ دی گئی اور صوبائی وزراء کی سرگرمیوں سے بھی آگاہ کیا گیا۔
مزید پڑھیں:وزیر اعظم عمران خان کل لاہور میں گورنر اور وزیر اعلیٰ پنجاب سے ملاقات کریں گے
