گوگل نیوز پر ہمیں فالو کریںاوورسیز پاکستانیوں کو اپنے اہل خانہ کے ساتھ عید منانے میں سہولت فراہم کرنے کے لیے پاکستان انٹرنیشنل ایئرلائن (پی آئی اے) نے حسب روایت اس سال بھی عید کے موقع پر بین الاقوامی کرایوں میں نمایاں کمی کا اعلان کر دیا ہے۔
قومی ایئر لائن نے بین الاقوامی کرایوں میں 20 فیصد تک رعایت دی ہے تاکہ زیادہ سے زیادہ بیرون ملک مقیم پاکستانی اپنے وطن آ سکیں۔
میڈیا رپورٹس کے مطابق سعودی عرب سے پاکستان آنے والی پروازوں کے کرایے میں 20 فیصد جب کہ ٹورنٹو سے آنے والی پروازوں کے کرایے میں 10 فیصد کمی کی گئی ہے۔
اس اقدام سے نہ صرف پاکستانی تارکین وطن کو سفر کی ترغیب ملے گی بلکہ پی آئی اے کی ساکھ بھی بہتر ہوگی۔
ذرائع کا کہنا ہے کہ دیگر بین الاقوامی روٹس اور اندرونِ ملک پروازوں کے لیے بھی کرایوں میں کمی پر غور کیا جا رہا ہے، جس کا اعلان جلد متوقع ہے۔
یہ پیشکش ان لاکھوں پاکستانیوں کے لیے ہے جو بیرون ملک مقیم ہیں اور عید کے تہوار پر اپنے عزیزوں کے ساتھ وقت گزارنے وطن واپس آنا چاہتے ہیں۔
یہ امر بھی قابل ذکر ہے کہ پاکستان ریلوے نے بھی عید الاضحی کے موقع پر پانچ خصوصی ٹرینوں کے اعلان کے ساتھ کرایوں میں کمی کی خوشخبری دی ہے، تاکہ عوام کو سفری سہولیات میسر آ سکیں۔
