گوگل نیوز پر ہمیں فالو کریںدھوم سمیت متعدد بالی وڈ فلموں میں اداکاری کے جوہر دکھانے والے ایکشن ہیرو جان ابراہم کا کہنا ہے کہ میری نئی فلم میں پاکستانیوں کو نیچا نہیں دکھایا گیا۔ مشرقِ وسطیٰ میں ڈپلومیٹ پر عائد پابندی پر حیران ہوں۔
تفصیلات کے مطابق فلم میں مرکزی سفارت کار کا رول نبھانے والے جان ابراہم نے اپنے حالیہ انٹرویو میں کہا کہ میری فلم کو بین کیا گیا، اس پر بہت حیرت ہے۔ لوگوں کی سوچ بہت محدود ہوتی ہے جبکہ میری فلم کسی بھی طرح پاکستان مخالف نہیں۔
View this post on Instagram
بالی ووڈ اداکار جان ابراہم نے کہا کہ اگر میری فلم ڈپلومیٹ میں کچھ دکھایا گیا تو وہ پاکستان کے عدالتی نظام کی ایمانداری ہے۔ ہم نے فلم میں ایک ایمان دار پاکستانی وکیل اور ایک ایماندار پاکستانی جج دکھایا۔ کسی کو نیچا نہیں دکھایا گیا۔
View this post on Instagram
اداکار جان ابراہم نے کہا کہ گشت کرنے والی وہ گاڑیاں جو ہمیں سرحد تک لے جاتی ہیں، ان میں بھی ایماندار پولیس اہلکار دکھائے گئے ہیں جو دوسروں کے خلاف لڑ رہے ہیں۔ فلم میں پاکستانیوں کو نیچا نہیں دکھایا گیا، نہ ہی یہ اینٹی پاکستان فلم ہے۔
گزشتہ ماہ 14 مارچ کو نشر کی گئی جان ابراہم کی فلم اپنی کہانی کے اعتبار سے بہت پسند کی جارہی ہے۔ فلمی ناقدین کا کہنا ہے کہ ایک سفارت کار سشما سوراج کی زندگی سے مستعار واقعات پر مبنی یہ فلم اپنی دلچسپ کہانی کے باعث کامیاب ہورہی ہے۔
