جنوبی افریقہ کے فاسٹ بائولر ورنن فلینڈر کا کاونٹی سے کولپاک معاہدے پر اتفاق

لندن : انگلینڈ کی کرکٹ کائونٹی سمر سیٹ نے تصدیق کردی ہے کہ جنوبی افریقہ کے مشہور فاسٹ بائولر ورنن فلینڈر نے کائونٹی سے کو لپاک معاہدے پر اتفاق کرلیا ہے۔

میڈیا رپورٹ کے مطابق سمرسیٹ نے ورنن فلینڈر سے کولپاک معاہدے پر اتفاق کی تصدیق کی ہے تاہم کلب کو نئے سال کے آغاز تک فلینڈر کی جانب سے معاہدے پر دستخط کی توقع نہیں۔

مزید پڑھیں:باکسر محمد وسیم نئے سال میں مزید کامیابیاں حاصل کرنے کے لیے پرعزم

سمرسیٹ نے اپنے بیان میں کہا کہ وہ فلینڈر کے حوالے معاملات طے پانے کے لیے انگلینڈ کرکٹ بورڈ (ای سی بی) سے ضروری قانونی نکات طے کررہے ہیں تاکہ وہ کھلاڑیوں کے کولپاک معاہدے میں رجسٹر ہوجائیں۔

کلب کے مطابق کاغذی کارروائی کو حتمی شکل دینے کے لیے ای سی بی سے معاہدہ مکمل کیا جارہا ہے ۔فلینڈر نے2012 میں 5 میچ کھیلے ہیں جس میں 23 وکٹیں حاصل کی تھیں۔

انگلینڈ کے خلاف جاری سیریز سے قبل یہ قیاس آرائیاں کی جارہی تھیں کہ ورنن فلینڈر اس سیریز کے بعد بین الاقوامی کرکٹ سے ریٹائرمنٹ کا اعلان کرکے انگلش کائونٹی سے کولپاک معاہدہ کریں گے۔