گوگل نیوز پر ہمیں فالو کریںمقبول اداکار اسامہ خان نے انکشاف کیا ہے کہ مارننگ شو کی میزبان ندا یاسر کی جانب سے ان کی اور اداکارہ زینب شبیرکی جھوٹی منگنی کی خبر پھیلانےکے بعد ان کی شادی ہونے کا خواب ٹوٹتا نظر آرہا ہے۔
حال ہی میں اسامہ خان نے ندا یاسر، دانش نواز اور یاسر نواز کے ہمراہ ان کے یوٹیوب شو میں شرکت کی تھی، جہاں انہوں نے اپنی ذاتی اور پیشہ ورانہ زندگی کے کئی رازوں سے پردہ اٹھایا۔
اسامہ خان کا کہنا تھا کہ ندا یاسر نے مارننگ شو میں یہ اعلان کیا کہ ان کی اور زینب شبیر کی منگنی ہوچکی ہے، جس کے بعد لوگوں نے یہ سمجھ لیا کہ دونوں اداکار شادی کے بندھن میں بندھنے والے ہیں۔ انہوں نے افسوس کا اظہار کرتے ہوئے کہا کہ اس بےبنیاد خبر کے بعد ان کے لیے شادی کے رشتے آنا بند ہوگئے ہیں۔
اداکار نے مزید کہا کہ حقیقت میں ایسا کچھ نہیں تھا، لیکن ندا یاسر کے اعلان کے بعد یہ تاثر پھیل گیا کہ وہ اور زینب شبیر ایک دوسرے کے ساتھ بندھے ہوئے ہیں۔
اسامہ خان نے بات کرتے ہوئےیہ بھی بتایا کہ کورونا کے دور میں جب ان کے والد کو کورونا ہوا تو ان کے والد ڈر گئے تھے، اوراس لیے ان کے والد کو کورونا ہوا ہے یہ بات کسی کو نہیں بتائی گئی تھی لیکن کچھ دن بعد جب وہ ندا یاسر کے مارننگ شو میں آئے تو میزبان نے ٹی وی پر بتایا کہ اسامہ خان کے والد کو بھی کورونا ہوا ہے۔
جس پرپروگرام کے دوران ندا یاسر نے اپنی غلطی پر شرمندگی کا اظہار کیا اوریہ بھی واضح کیا کہ اسامہ خان اور زینب شبیر کی منگنی نہیں ہوئی۔
اور اب یہ انکشاف سوشل میڈیا پر ایک نئی بحث کو جنم دے چکا ہے کہ کیا مارننگ شوز میں مشہور شخصیات کی نجی زندگی پر اس طرح کے بے بنیاد دعوے کیے جانے چاہیے ہیں؟
