گوگل نیوز پر ہمیں فالو کریںاسلام آباد: انسداد دہشت گردی عدالت نے بانی پی ٹی آئی کی بہنوں علیمۂ خان اور عظمیٰ خان کی ضمانت منظور کرتے ہوئے ان کی رہائی کا حکم جاری کر دیا ہے۔
جج ابو الحسنات نے ڈی چوک احتجاج کیس میں علیمہ خان اور عظمیٰ خان کی جانب سے دائر کردہ ضمانت کی درخواستوں کی سماعت کی۔
عدالت نے دونوں کی ضمانت 20000 روپے کے مچلکوں کے عوض منظور کر لی۔
یہ بات قابل ذکر ہے کہ علیمۂ خان اور عظمیٰ خان کو 4 اکتوبر سے کوہسار تھانے میں درج مقدمے کے تحت حراست میں رکھا گیا تھا۔
گزشتہ روز پاکستان تحریک انصاف کے بانی عمران خان کی اہلیہ بشریٰ بی بی کو بھی توشہ خانہ-II کیس میں 9 ماہ کی قید کے بعد اڈیالہ جیل سے رہا کر دیا گیا تھا۔
اس حوالے سے پاکستان تحریک انصاف کے سابق رہنما فیصل واوڈا نے دعویٰ کیا تھاکہ بشریٰ بی بی کی رہائی حکومت سے ڈیل کا نتیجہ ہے۔
پی ٹی آئی کے چیئرمین بیرسٹر گوہر نے فیصل واؤڈا کے دعوئے کی تردید کرتے ہوئے کہا تھاکہ اگر ڈیل کرنی ہوتی تو بشریٰ بی بی 9 مہینے جیل میں کیوں گزارتیں۔
عمران خان کی اہلیہ کے بعد بہنوں کی رہائی نے پی ٹی آئی کے حکومت سے ڈیل کے دعوؤں کو مزید تقویت دی ہے، سیاسی ماہرین کا کہنا ہے کہ آنے والے دنوں میں پی ٹی آئی کو مزید ریلیف مل سکتا ہے۔
