گوگل نیوز پر ہمیں فالو کریںلاس اینجلس کے اکیڈمی میوزیم آف موشن پکچرز نے حال ہی میں اپنا چوتھا سالانہ گالا منعقد کیا، اگرچہ یہ ایونٹ فیشن اور فلم کے حلقوں میں نسبتاً نیا ہے لیکن یہ تیزی سے سال کے سب سے پُرکشش اور ستاروں سے بھرپور تقریبات میں سے ایک بن گیا ہے۔
اس بار بھی ایونٹ نے اپنی شہرت کے مطابق شاندار جلوے بکھیرے۔ یہاں ہم اس شام کے سب سے بہترین لباس پہننے والی 10 مشہور شخصیات کی فہرست پیش کر رہے ہیں۔
سلینا گومز10ویں پوزیشن
سلینا گومز نے الایا کے تیار کردہ خاص سوئیڈ گاؤن میں شاندار جلوہ دکھایا، جس میں دلچسپ فش ٹیل ڈیزائن نمایاں تھا۔ اس کے ساتھ انہوں نے ٹفنی اینڈ کو کے زیورات سے اپنا لباس مکمل کیا۔
کینڈل جینر9ویں پوزیشن
کینڈل جینر نے سکیپریلی کا مخملی گاؤن زیب تن کیا، جس میں ہالٹر نیک اور پیچیدہ کٹ آؤٹ ڈیزائن نمایاں تھا۔ انہوں نے اپنے بال میریلین منرو کے انداز میں سنہرے رنگ میں سجائے۔
گل گدوت8ویں پوزیشن
گل گدوت نے لووی کا ایک خوبصورت پھولدار لباس پہنا، جس میں وِکٹورین لیمپ شیڈ کا اسٹائل تھا۔ انہوں نے ٹفنی اینڈ کو کے زیورات کے ساتھ ہلکے سبز جوتے بھی پہنے۔
اولیویا وائلڈ7ویں پوزیشن
اولیویا وائلڈ نے ایرڈیم کا ہرے رنگ کا لیس گاؤن پہنا، جس میں ہپ سے نیچے وسیع ڈیزائن تھا اور لباس ٹخنوں تک آتا تھا۔ ان کا لباس نفیس زیورات کے ساتھ مکمل ہوا۔
روزی ہنٹنگٹن وائٹلی چھٹی پوزیشن
روزی نے سینٹ لورینٹ کا ہالٹر نیک گاؤن پہنا اور اسے ٹفنی اینڈ کو کے ایک خوبصورت ہار کے ساتھ نمایاں کیا۔
ڈیمی مور 5ویں پوزیشن
ڈیمی مور نے پرادا کا بیک لیس گاؤن پہنا، جو مکمل طور پر آئینے نما سیکوئن سے تیار کیا گیا تھا۔ لباس میں گہری وی نیک لائن تھی اور موٹے پٹے اس کے کندھوں پر موجود تھے۔
کرسٹن ڈنسٹ چوتھی پوزیشن
کرسٹن ڈنسٹ نے گُچی کا ایک شاندار چاکلیٹ براؤن گاؤن پہنا، جس میں کیپ اور ٹرین شامل تھے۔
کایا گربر تیسری پوزیشن
کایا گربر نے 1997 گیونچی کوچر کا ایک وِنٹیج گاؤن پہنا، جو آڈری ہیپ برن کے “مائی فیئر لیڈی” کے انداز کو خراجِ تحسین پیش کرتا تھا۔ انہوں نے ڈی بیئرز کے سفید سونے اور ہیرے کی انگوٹھی سے اپنا انداز مکمل کیا۔
کم کارڈیشین دوسری پوزیشن
کم کارڈیشین نے موگلر کے آرکائیوز سے 1998 کے کوچر مجموعے کا ایک سفید کارسیٹ پہنا، جس کے ساتھ ایک ہم رنگ ہوڈی کوٹ بھی شامل تھا۔ انہوں نے ہیرے کا ہار اور پیپ ٹو جوتے پہنے۔
کائلی جینر پہلی پوزیشن
کائلی جینر نے 1998 موگلر کا ایک وِنٹیج گاؤن پہنا۔ اس لباس کا اوپری حصہ شفاف مواد سے بنایا گیا تھا، جس کے اوپر چھوٹے کپ کے ڈیزائن تھے، اور اس پر چمکدار سیکوئن کی تہیں تھیں۔ سیاہ اسکرٹ کمر سے شروع ہو کر کولہوں پر اسٹائلش کٹ آؤٹ بناتی تھی۔
کائلی نے اپنے گہرے بالوں کو لہریوں میں ایک کندھے پر ڈالا اور سبز بالیاں نمایاں کیں۔ انہوں نے سادہ نیوڈ مینیکیور اور ہلکی گلابی لپ اسٹک کے ساتھ اپنی منفرد شخصیت کو برقرار رکھا۔
