سفر پر پابندی، آصف زرداری کل احتساب عدالت میں پیش نہیں ہونگے

کراچی:پاکستان پیپلز پارٹی کے شریک چیئرمین آصف زرداری کا نجی اسپتال میں علاج جاری ہے ،میڈیکل بورڈ نے آصف زرداری کے مہروں اور عارضہ قلب کی رپورٹس پر میڈیکل بورڈ کی تفصیلی معائنہ کیا ہے۔

بورڈ نے آصف علی زرداری کے وزن کے کم ہونے پر تشویش ظاہر کرتے ہوئے ان کے مزیدمیڈیکل ٹیسٹ تجویز کیے ہیں۔دوسری جانب ڈاکٹرز نے آصف علی زرداری کوفضائی سفر سے روک دیا ہے جس کے باعث اب وہ کل احتساب عدالت کے روبرو پیش نہیں ہوسکیں گے۔

مزید پڑھیں:شہر قائد میں ایک مرتبہ پھر40ہزار ایکڑ سے زائدسرکاری اراضی پر قبضے کی تحقیقات شروع

ذرائع کے مطابق پاکستان پیپلز پارٹی کے شریک چیئرمین آصف علی زرداری کو جعلی اکائونٹس مقدمات کیس میں منگل کو نیب عدالت کے روبرو پیش ہونا ہے تاہم ڈاکٹروں نے سابق صدر کو فضائی سفر سے منع کردیا ہے جس کے باعث اب وہ عدالت کے سامنے پیش نہیں ہوں گے۔

پارٹی ذرائع کے مطابق ڈاکٹروں نے آصف زرداری کو آرام کا مشورہ دیا ہے اس لئے احتساب عدالت میں ان کے بجائے وکلا پیش ہوں گے اور عدالت سے آصف زرداری کی پیشی سے استثنی کی درخواست کی جائے گی ۔دوسری جانب پروفیسر ڈاکٹر ندیم قمر کی سربراہی میں میڈیکل بورڈ آصف علی زرداری کا علاج جاری رکھے ہوئے ہے۔