گوگل نیوز پر ہمیں فالو کریںایشوریا رائے 90ء کی دہائی سے بالی ووڈ فلم انڈسٹری میں اداکاری کر رہی ہیں۔ اسی دہائی میں کرکٹ کی دنیا کے آل راؤنڈر عبدالرزاق نے پاکستان میں مقبولیت حاصل کی۔
حال ہی میں سابق کرکٹر عبدالرزاق کا ایشوریا رائے کے متعلق تبصرہ سوشل میڈیا پر تیزی سے وائرل ہوا۔ پیر کے روز 2009 کی ٹی 20 ورلڈ کپ کی فاتح ٹیم کے اراکین ایک تقریب میں شریک ہوئے جن میں شاہد آفریدی اور عمر گل بھی شامل تھے۔
سابق کرکٹرز نے تقریب کے دوران پاکستان کی حالیہ ورلڈ کپ 2023 میں ناقص کارکردگی پر تبادلۂ خیال کیا۔ عبدالزاق کا کہنا تھا کہ ہم 2009 میں یہ جانتے تھے کہ یونس خان کی نیت صاف ہے، قومی ٹیم کے کپتان یونس نے ہمیں اعتماد دیا۔
بابر اعظم @babarazam258
کی کپتانی کو مخاطب کرتے ہوئے چیمپیئن آل راؤنڈر عبدالرزاق نے کہا کہ جب نیتیں ہی صاف نہیں تو نتیجہ کیسے اچھا آسکتا ہے۔۔عبدالرزاق نے بڑی مثال بھی دی ۔@TheRealPCBMedia pic.twitter.com/YoSx44DQjv— ZAHID GHAFFAR (@zahidghaffar) November 13, 2023
بابر کے چاہنے والوں نے محمد عامر کا جینا حرام کردیا
سابق آل راؤنڈر عبدالرزاق نے کہا کہ موجودہ دور میں ہم یہ پالیسی ہی نہیں رکھتے کہ کھلاڑیوں کو سکھایا جائے یا انہیں بنایا جائے۔ اگر آپ کی سوچ یہ ہے کہ میں ایشوریا رائے سے شادی کروں اور اس سے بڑا نیک پرہیزگار بچہ پیدا ہوجائے تو ایسا کبھی نہیں ہوسکتا۔
ایشوریا رائے بچن کے ذکر پر قومی ٹیم کے سابق کپتان شاہد آفریدی اور سابق فاسٹ بولر عمر گل نے تالیاں بجائیں۔ سابق آل راؤنڈر عبدالرزاق نے قومی ٹیم کی ناقص کارکردگی کو نشانہ بناتے ہوئے کہا کہ آپ کو پہلے اپنی نیت ٹھیک کرنا ہوگی۔
