گوگل نیوز پر ہمیں فالو کریںدنیا بھر میں شادی اور رشتوں کے حوالے سے مختلف رسومات رائج ہیں، ان میں کچھ دلچسپ ہیں تو کچھ مضحکہ خیز اور کچھ حیرت و تعجب میں ڈالنے والی۔
اگر ہم بات کریں اسلامی ملک ترکی کی تو وہاں رشتے کیلئے آئے لڑکے کو ہاں کرنے کا بھی ایک منفرد طریقہ ہے، جس پر آج کل سوشل میڈیا پر کافی بات کی جا رہی ہے۔
ترک رسم کے مطابق لڑکی کواگر دولہا پسند آجائے تو اس کا اظہاروہ چائے گرا کر کرتی ہے۔
بَر دکھاوا کی اس رسم میں لڑکی والے لڑکے کو دیکھنے کے لیے اس کے گھر جاتے ہیں یا پھر اس کو لڑکی والے فیملی سمیت اپنے گھر بلاتے ہیں۔ لڑکی اور اس کا خاندان لڑکے کو دیکھتا ہے اور پسند آنے پر بات آگے بڑھائی جاتی ہے۔
اس موقع پر لڑکی جب لڑکے کو دیکھنے کے لیے اس کے پاس چائے لے کر آتی ہے اور اگر اسے لڑکا اپنے جیون ساتھی کے طور پر منظور ہو تو وہ تھوڑی سی چائے ٹرے میں گرا دیتی ہے جس کا مطلب لڑکی کا رشتے کے لیے ہاں کرنا ہوتا ہے۔
واضح رہےکہ اس رسم کے حوالے سے ایک ویڈیو سوشل میڈیا پر وائرل ہے جس میں دیکھا جا سکتا ہے کہ لڑکی چائے کی ٹرے کے ہمراہ آتی ہے اور لڑکے کے سامنے چائے کی ٹرے رکھ کر اسے دیکھتی ہے اور پھر تھوڑی سے چائے چھلکاتے ہوئے شرماتی اور مسکراتی ہوئی وہاں سے چلی جاتی ہے۔
View this post on Instagram
اس کے بعد اسی جوڑے کو ہنستے مسکراتے دکھایا گیا ہے اور ویڈیو میں بتایا گیا ہے کہ یہ جوڑا شادی کے بعد خوشگوار زندگی گزار رہا ہے۔
