گوگل نیوز پر ہمیں فالو کریںجنوبی افریقا نے بنگلادیش کو آئی سی سی ون ڈے ورلڈکپ کے میچ میں 149 رنز کے بھاری مارجن سے شکست دے کر ایونٹ میں چوتھی کامیابی حاصل کرلی۔
بنگلادیش کی پوری ٹیم جنوبی افریقا کے 383 رنز کے ہدف کے تعاقب میں 46.4 اوورز میں 233 رنز پر پویلین لوٹ گئی، یہ بنگلادیش کی ایونٹ میں چوتھی ناکامی ہے۔
جنوبی افریقا نے ممبئی کے وانکھیڈے اسٹیڈیم میں کھیلے گئے میچ میں بنگلادیش کے خلاف ٹاس جیت کر پہلے بیٹنگ کا فیصلہ کیا۔
جنوبی افریقا نے مقررہ 50 اوورز میں 5 وکٹوں کے نقصان پر 382 رنز بنائے، ڈی کوک نے شاندار 174 رنز کی اننگز کھیلی جبکہ ہینرک کلاسن نے 49گیندوں پر 90 رنز بنائے، کوئنٹن ڈی کوک کی رواں ورلڈکپ میں یہ تیسری سنچری ہے۔
اس کے علاوہ ایڈن مارکرم نے 60، ہینڈرکس نے 12، وین ڈر ڈوسن نے ایک رن بنایا جبکہ ڈیوڈ ملر 34 رنز بناکر ناقابل شکست رہے۔
پہلا ون ڈے: پاکستان ویمنز اے نے ویسٹ انڈیز ویمنز اے کو شکست دیدی
بنگلادیش کی جانب سے حسن محمود نے 2، مہیدی حسن میراز، شریف الاسلام اور شکیب الحسن نے ایک ایک کھلاڑیوں کو آؤٹ کیا۔
