گوگل نیوز پر ہمیں فالو کریںتحریکِ انصاف نے مینارِ پاکستان پر گزشتہ روز سابق وزیر اعظم کی طویل عرصے بعد وطن واپسی کے موقعے پر ہونے والے جلسے کو ناکام قرار دیتے ہوئے کہا ہے کہ نواز شریف کی تقریر بے معنی تاثرات کا مجموعہ تھی۔
تفصیلات کے مطابق گزشتہ روز سابق وزیر اعظم نواز شریف نے جلسے سے خطاب کرتے ہوئے اپنے آئندہ سیاسی لائحۂ عمل کا اعلان کیا، تاہم ترجمان پی ٹی آئی نے اپنے ایک بیان میں کہا کہ مسلم لیگ (ن) کا مینارِ پاکستان پر ہونے والا جلسہ ناکام ثابت ہوا ہے۔
بیان میں ترجمان پی ٹی آئی کا کہنا ہے کہ عوام قوم کو لوٹنے والوں کا احتساب کریں گے۔ لاکھوں لوگ جلسے میں لانے کیلئے اربوں روپے خرچ کیے گئے۔ ن لیگ کو مسترد کرنے پر لاہور کے عوام تحسین کے مستحق ہیں۔ نواز شریف کی تقریر بے معنی ثابت ہوئی۔
ترجمان پی ٹی آئی کا کہنا ہے کہ نگران حکومت انتخابات کا اعلان کرے، اپنی پسندیدہ پارٹی کا فیصلہ کرنے کا موقع عوام کو دیا جائے۔ ن لیگ کو عوامی احتساب سے بچانے کی کوئی کوشش کامیاب نہیں ہوگی۔
دوسری جانب نواز شریف کی وطن واپسی کے موقعے پر ن لیگی کارکنان اور لیڈروں نے خوشی کا اظہار کیا ہے۔ پارٹی صدر شہباز شریف کا کہنا ہے کہ نواز شریف معمارِ پاکستان ہیں۔9مئی کا واقعہ تو دور، نواز شریف کے دور میں کوئی گملا تک نہیں ٹوٹا۔
