گوگل نیوز پر ہمیں فالو کریںسری لنکا نے نیدرلینڈز کو آئی سی سی کرکٹ ورلڈکپ کے 19 ویں میچ میں 5 وکٹوں سے شکست دے کر ورلڈکپ میں پہلی کامیابی حاصل کرلی۔
لکھنؤ کے اکانا اسپورٹس سٹی میں کھیلے گئے میچ میں سری لنکا نے سماراوکرما کے ناقابل شکست 91 رن کی بدولت 263 رن کا ہدف گیارہ گیندوں پہلے حاصل کیا۔
نیدرلینڈز کی پوری ٹیم 262 رن پرپویلین لوٹ گئی جب کہ اننگ کی دو گیندیں باقی تھیں۔
سائبرینڈ اینجل بریکٹ نیدرلینڈز کی جانب سے 70 رن بناکر ٹاپ اسکورر رہے، اس کے علاوہ لوگن وین بیک نے 59 رن بنائے۔
سری لنکا کی جانب سے دلشان مدھوشانکا اور کاسون راجیتھا نے چار چار کھلاڑیوں کو آؤٹ کیا، اس کے علاوہ مہیش ٹھیکشانہ نے 1 وکٹ لی۔
’مجھے پاکستانی مت کہو‘ وقار یونس نے پاک آسٹریلیا میچ کے بعد ایسا بیان کیوں دیا؟
263رن کاہدف سری لنکا نے 48.2 اوور میں حاصل کرلیا، سماراوکرما نے 91 رن کی ناقابل شکست اننگ کھیلی۔ پتھم نسانکا 54 اور چریتھ اسالنکا نے 44 رن بنائے، دھننجایا ڈی سلوا 30 اور کوشل مینڈس نے 11رن بنائے۔
