گوگل نیوز پر ہمیں فالو کریںصدرِ پاکستان ڈاکٹر عارف علوی نے کہا ہے کہ آج پاکستانی سب میرین ”ہنگور“ کا قومی دن ہے۔ سب میرین نے بھارتی بحری جہاز کھکری کو 1971ء میں ڈبو دیا، قومی بحریہ کے جوانوں کو سلام کرتا ہوں۔
سماجی رابطے کی ویب سائٹ ٹوئٹر پر اپنے پیغام میں صدرِ مملکت ڈاکٹر عارف علوی نے کہا کہ سب میرین میں پاکستانی بحریہ نے کمال مہارت کا مظاہرہ کیا۔ اس واقعے کو 48 سال کا طویل عرصہ گزر چکا ہے۔
صدرِ مملکت ڈاکٹرعارف علوی نے کہا کہ قوم پاکستان نیوی کے عملے اور جوانوں کے ہمت و حوصلے کو خراجِ تحسین پیش کرتی ہے۔ ان کی شجاعت و بہادری پر مبنی اقدام بحریہ کی تاریخ میں بے مثال ہے۔
ڈاکٹر عارف علوی نے کہا کہ جنگِ عظیم دوم کے بعد بحریہ کی تاریخ میں دشمن کے خلاف کامیاب کارروائی کی یہ عمدہ ترین مثال ہے۔
Today is 48th 'Hangor'day. Hangor was a Pak submarine that sank Indian Navy Ship 'Khukri' in 1971. We salute the courage & skills of the crew & of Pakistan Navy. This heroic action is the only incident in Naval history of a successful kill by a 'conventional submarine' since WWII
— The President of Pakistan (@PresOfPakistan) December 9, 2019
یاد رہے کہ اس سے قبل شپ یارڈ اینڈ انجینئرنگ ورکس میں پاک بحریہ کے لئے مقامی سطح پر تیار کیا جانے والا فاسٹ اٹیک کرافٹ (میزائل)4 لانچ کردیا گیا۔
ترجمان پاک بحریہ کے مطابق27 نومبر کو پاک بحریہ کے لئے مقامی طور پرکراچی شپ یارڈ میں تیار کئے جانے والے جہاز فاسٹ اٹیک کرافٹ (میزائل) 4 کی لانچنگ کی تقریب کا انعقاد ہوا،تقریب کراچی شپ یارڈ اینڈ انجینئرنگ ورکس میں منعقد ہوئی جس میں وفاقی وزیر برائے دفاعی پیداوار محترمہ زبیدہ جلال مہمان خصوصی تھیں۔
مزید پڑھیں: پاک بحریہ کی جانب سے فاسٹ اٹیک کرافٹ 4 جہازلانچ کردیا گیا
