گوگل نیوز پر ہمیں فالو کریںوفاقی وزیر برائے سائنس و ٹیکنالوجی فواد چوہدری کے مطابق وزیر اعظم پاکستان عمران خان آج پہلے خصوصی معاشی زون اور ٹیکنالوجی پارک کا افتتاح کریں گے۔
سماجی رابطے کی ویب سائٹ ٹوئٹر پر اپنے پیغام میں وزیر سائنس و ٹیکنالوجی فواد چوہدری نے کہا کہ وزیر اعظم عمران خان آج NUST میں پہلے ٹیکنالوجی اسپیشل اکنامک زون اور پارک کا افتتاح کریں گے جبکہ دنیا بدلنے کے لیے صنعت اور تحقیق کا امتزاج کام آیا۔
وزیرسائنس و ٹیکنالوجی فواد چوہدری نے کہا کہ یہ انڈسٹری اور محققین کا امتزاج ہی ہے جس نے دُنیا بدل دی جبکہ آنے والے دس سال پاکستان کے لیے تابناک ہوں گے۔
فواد چوہدری نے کہا کہ آئندہ 10 سال سائنس و ٹیکنالوجی کے میدان میں پاکستان کے لیے سب سے درخشندہ برس ثابت ہوں گے اور ملک ترقی کرے گا۔
آج وزیر اعظم پاکستان عمران خان NUST میں پہلے ٹیکنالوجی سپیشل اکنامک زون اور ٹیکنالوجی پارک کا افتتاح کریں گے، انڈسٹری اور ریسرچرز کا امتزاج ہی ہے جس نے دینا بدلی انشااللہ آنے والے دس سال پاکستان کے سائنس اور ٹیکنالوجی کے سب سسے درخشندہ سال ہوں گے۔
— Ch Fawad Hussain (@fawadchaudhry) December 9, 2019
یاد رہے کہ اس سے قبل وزیر سائنس و ٹیکنالوجی فواد چوہدری نے کہا کہ لندن میں نواز شریف اور اہلِ خانہ جن اپارٹمنٹس میں مقیم ہیں، وہ ان کی ملکیت ہیں، ماضی میں سابق وزیر اعظم افغانستان بھی لندن کے راستے جاتے تھے۔
ٹوئٹر پر اپنے پیغام میں گزشتہ روز وزیر سائنس و ٹیکنالوجی فواد چوہدری نے کہا کہ یہ بات ثابت کرنے میں 5 سال لگ گئے کہ نواز شریف لندن میں واقع فلیٹس کے مالک ہیں۔
مزید پڑھیں: نواز شریف افغانستان بھی براستہ لندن جایا کرتے تھے۔فواد چوہدری
