گوگل نیوز پر ہمیں فالو کریںیورپی یونین کے اہم رکن ملک ناروے نے اسرائیل کی طرف سے غزہ کی ناکا بندی کو ناقابل قبول قرار دیتے ہوئے سویلینز کے محاصرے کی شدید مذمت کی ہے۔
ناروے کی وزیر خارجہ نے ایک پبلک ریڈیو سے بات کرتے ہوئے کہا بلا شبہ اسرائیل کو اپنے دفاع کا حق حاصل ہے مگر اسے یہ حق نہیں کہ دفاع کے نام پر جو چاہے کرے۔
انہوں نے کہا میں غزہ کے غیر انسانی محاصرے کی مذمت کرتی ہوں۔ غزہ کے لوگوں کو خوراک اور ادویات تک کی فراہمی ناممکن ہو گئی ہے۔ اسکنڈے نیوین یورپی ملک نے حماس کے اسرائیل پر حملوں کی بھی مذمت کی ہے۔
واضح رہے سات اکتوبر سے اسرائیل اور حماس کے درمیان جنگی صورت حال چل رہی ہے۔ حماس نے اچانک اسرائیل پر ایک بہت بڑا حملہ کر کے اسرائیل سمیت پوری دنیا کو حیران کر دیا ہے۔
جس کے بعد سے اسرائیل آتش انتقام میں غضب ناک ہوکر غزہ پر مسلسل وحشیانہ بمباری کے ذریعے بے گناہ فلسطینیوں کی نسل کشی پر تلا ہوا ہے۔ دونوں طرف اب تک ہزاروں افراد لقمہ اجل بن چکے ہیں۔ اسرائیل نے تقریبا 23 لاکھ کی آبادی کے حامل غزہ کا مکمل محاصرہ کر رکھا ہے ۔ پانی، خوراک، بجلی سے لے کر ادویات تک غزہ میں لے جانا اسرئیلی محاصرے نے ناممکن بنا دیا ہے۔
