گوگل نیوز پر ہمیں فالو کریںمعروف گلوکار عطا اللہ خان عیسیٰ خیلوی کے انتقال سے متعلق جعلی خبریں سوشل میڈیا پر وائرل ہوگئیں۔
گلوکار کے ترجمان نے موسیقار کے انتقال سے متعلق افواہوں کی سختی سے تردید کی ہے۔ ان کے ترجمان نے ایک بیان میں میڈیا کو بتایا کہ عطا اللہ خان ٹھیک ہیں اور مکمل طور پر صحت یاب ہیں۔
ترجمان نے مزید کہا کہ اللہ منفی خبریں پھیلانے والوں کو ہدایت دے۔ اس طرح کی خبریں ماضی میں بھی کئی بار پھیل چکی ہیں۔ عطا اللہ خان بالکل ٹھیک ہیں اور اس وقت لندن میں ہیں۔
اس سے قبل اپریل2020 میں بھی عطا اللہ خان عیسیٰ خیلوی کے انتقال سے متعلق جھوٹی خبریں سوشل میڈیا پر پھیل گئی تھیں، جس کے بعد گلوکار نے ایک ویڈیو پیغام میں اپنے زندہ ہونے کی تصدیق کی تھی۔
