گوگل نیوز پر ہمیں فالو کریںلاہور: پاکستان کرکٹ بورڈ کی مینجمنٹ کمیٹی کے چیئرمین ذکا اشرف کی نگراں وفاقی وزیر اطلاعات و نشریات مرتضیٰ سولنگی سے ملاقات ہوئی، اس موقع پر پی سی بی اور پی ٹی وی اسپورٹس میں تعاون سمیت دیگر امور پر تبادلہ خیال کیا گیا۔
وزیراطلاعات کی جانب سے ملک میں کھیلوں کی سرگرمیوں خصوصاً کرکٹ کی حوصلہ افزائی کے لیے کرکٹ بورڈ کو مکمل تعاون کا اعادہ کیا گیا۔
مرتضی سولنگی نے کہا کہ پی ٹی وی اسپورٹس کھیلوں کے کلچر کو فروغ دینے میں اپنا کردار ادا کررہا ہے، پی ٹی وی اسپورٹس ناظرین میں کافی مقبولیت حاصل کرچکا ہے۔
انہوں نے کہا کہ پاکستان کرکٹ بورڈ کرکٹ کے فروغ کے لیے اہم کردار ادا کررہا ہے۔ جبکہ حکومت کھیلوں کی سرگرمیوں کو فروغ دینے کے لیے پرعزم ہے۔
ذکا اشرف نے حکومتی حوصلہ افزائی پر مرتضی سولنگی کا شکریہ ادا کیا انہوں نے کہا کہ پاکستان کرکٹ بورڈ ملک میں کرکٹ کو ہر سطح پر فروغ دینے کے لیے کام کررہا ہے۔
مزید پڑھیں:محمد عامر کی کپتان بابر اعظم پر ایک بار پھر تنقید
ذکااشرف نے کہا کہ ملک میں کرکٹ کی ترقی کے لیے پی سی بی اور پی ٹی وی کا تعاون اہمیت کا حامل ہے۔ پی ٹی وی پر ڈومیسٹک کرکٹ دکھائے جانے سے نوجوان نسل میں شوق مزید بڑھے گا۔
