گوگل نیوز پر ہمیں فالو کریںکراچی: ایم کیو ایم رابطہ کمیٹی کی جانب سے پیٹرولیم مصنوعات کی قیمتوں میں اضافے کی شدید الفاظ میں مذمت کی گئی ہے، رابطہ کمیٹی کا کہنا تھا کہ اس معاشی بحران سے نکلنے کیلئے حکومت اپنے اخراجات کم کرنے کے بجائے عوام پر بوجھ ڈال رہی ہے۔
ایم کیو ایم پاکستان کی رابطہ کمیٹی کے جاری کردہ بیان میں کہا گیا ہے کہ پیٹرولیم مصنوعات میں اضافے کا براہ راست اثر روز مرہ کی ضروریات زندگی کے قیمتوں پر ہوگا۔
شہریوں کیلئے دو وقت کی دال سبزی بھی مشکل کردی گئی ہے، لوگ خودکشی کر رہے ہیں، حکومتی پالیسی سے امیر امیر سے امیر تر ہورہا ہے اور غریب سطح غربت سے نیچے چلا گیا۔
رابطہ کمیٹی نے کہا کہ ان اقدامات سے خاص طور پر نوکری پیشہ افراد متاثر ہورہا ہے جو معاشرے کا اہم ترین حصہ ہیں، ملازمت پیشہ افراد کیلئے ضروریات زندگی پورا کرنا ناممکن ہوگیا ہے۔
مزید پڑھیں:رینجرز کا کراچی کے مختلف علاقوں میں پانی چوروں کیخلاف آپریشن، 69 واٹر ٹینکر ضبط
ملک میں بڑھتی ہوئی مہنگائی نے غریب کے منہ سے نوالا چھین لیا ہے،حکومت سے مطالبہ کرتے ہیں کہ ملک کا معاشی خسارا اور قرض پورا کرنے کیلئے دوسرے راستے اختیار کئے جائیں،مہنگائی سے پریشان عوام کے صبر کا پیمانہ لبریز ہورہا ہے۔
