سابق کرکٹرشعیب اختریوٹیوب ریوائنڈ کاحصہ بننےوالے پہلےپاکستانی بن گئے

ویڈیو ویب سائٹ یوٹیوب نے رواں برس کے دوران سب سے زیادہ دیکھی جانے والی ویڈیوزاورچینل کی فہرست جاری کی ہے اس سال یوٹیوب ریوائنڈ ویڈیو میں سابق پاکستانی کرکٹ اسٹارشعیب اختربھی جگہ بنانے میں کامیاب ہوگئے ہیں ۔

پچھلےسال یوٹیوب ریوائنڈ ویڈیو سب سے زیادہ ناپسند کی جانےوالی ویڈیوبن گئی تھی جسے اب تک 17ملین سے زیادہ لوگ ناپسند کرچکے ہیں ، لہٰذا اس سال یوٹیوب نے ایسی ویڈیوزکی فہرست پیش کی ہے جنہیں ناضرین کی جانب سےپذیرائی ملی ہے ۔

ویڈیوکےآغازمیں کہاگیا ہے کہ پچھلے سال ہم نے کچھ ایسابنایاتھا جوآپ کوپسندنہیں آیاتھا اس لہٰذااس سال ہم نے کچھ ایسابنایاہے جوآپ نے خودپسند کیا ہے اور آ پ اس معاملے میں ہم سے کہیں زیادہ بہترہیں ۔

یوٹیوب ریوائنڈ ویڈیوکاحصہ بننےوالے کرکٹ کی تاریخ کے تیز ترین باؤلر اور سابق پاکستانی کرکٹرشعیب اخترپہلےپاکستانی بن گئے ہیں جن کے یوٹیوب چینل پر فروری2019 میں پہلی ویڈیواپلوڈ کی گئی تھی اور اب ان کے16لاکھ فالوورز ہیں ۔شعیب اخترکےیوٹیوب پر چینل بناتے ہی 28دنوں کے اندر10لاکھ فالوورزبن گئے تھے ۔