گوگل نیوز پر ہمیں فالو کریںصدرِ پاکستان ڈاکٹر عارف علوی نے کہا ہے کہ ملی یکجہتی کو فروغ دے کر شہدائے قوم کو خراجِ عقیدت پیش کیاجاسکتا ہے جبکہ ملک و قوم کو عسکری شعبے کی خدمات پر فخر ہے۔
جہلم میں منعقدہ پاک آرمی رائفلز ایسوسی ایشن کے نشانہ بازی مقابلے کی اختتامی تقریب سے خطاب کرتے ہوئے صدرِ پاکستان ڈاکٹر عارف علوی نے کہا کہ فوجی مہارتوں پر عبور قابلِ تعریف ہے۔
پاک فوج کے شعبۂ تعلقاتِ عامہ (آئی ایس پی آر) کے مطابق جہلم میں پارک آرمی رائفلز ایسوسی ایشن کی نشانہ بازی تقریب میں آرمی چیف جنرل قمر جاوید باجوہ نے صدرِ مملکت کا استقبال کیا۔
President Islamic Republic of Pakistan Dr. Arif Alvi @ArifAlvi today visited Army marksmanship Firing Ranges near Jhelum to witness closing ceremony of 39th Pakistan Army Rifle Association (PARA) Central Meet, the mega shooting competition of the country. pic.twitter.com/CnnZM8ghOC
— The President of Pakistan (@PresOfPakistan) December 4, 2019
آئی ایس پی آر کے مطابق مجموعی طور پر 953 نشانہ بازوں نے 4 ہفتوں پر محیط 25 مختلف اقسام کے نشانہ بازی مقابلوں میں حصہ لیتے ہوئے اپنی صلاحیتوں کا فقید المثال مظاہرہ کیا۔
صدرڈاکٹر عارف علوی نے مقابلوں میں پوزیشن حاصل کرنے والے نشانہ بازوں کی صلاحیتوں کو سراہا اور مقابلے کے اختتام پر ان کے درمیان انعامات تقسیم کیے۔
یاد رہے کہ اس سے قبل صدرِ پاکستان ڈاکٹر عارف علوی نے کہا کہ پاکستان ایک اُبھرتی ہوئی معیشت ہے جو مواقع کی سرزمین بن کر سامنے آرہا ہے جبکہ حکومت غیر ملکی سرمایہ کاروں کی سہولت کے لیے اقدامات اٹھا رہی ہے۔
وفاقی دارالحکومت اسلام آباد میں 28 نومبر کو سفیروں کی 2 روزہ کانفرنس سے خطاب کرتے ہوئے صدرِ مملکت ڈاکٹر عارف علوی نے کہا کہ پاکستان اور افریقی خطے میں تعلیم اور صحت سمیت دیگر شعبوں میں تعاون بڑھانے کی ضرورت ہے۔
مزید پڑھیں: پاکستان ابھرتی ہوئی معیشت بن کر سامنے آ رہا ہے۔ڈاکٹر عارف علوی
