گوگل نیوز پر ہمیں فالو کریںراک اینڈ رول کی ملکہ اور میوزک لیجنڈ ٹینا ٹرنر 83 سال کی عمر میں انتقال کرگئیں۔
غیر ملکی میڈیا کے مطابق ’ دی بیسٹ ‘ اور ’ واٹس لو گوٹ ٹو ڈو ود اٹ ‘ جیسی کامیاب فلموں سے سپر سٹار بننے والی گلوکارہ ٹینا ٹرنر طویل علالت کے بعد 83 سال کی عمر میں انتقال کر گئیں۔
رپورٹس میں بتایاگیا کہ معروف گلوکارہ کو حالیہ برسوں میںکینسر، فالج اور گردوں کی خرابی سمیت متعدد صحت کے مسائل کا سامنا تھا۔
راک اینڈ رول کی ملکہ کے نام سے جانی جانے والی ٹینا ٹرنر اپنی تیز اور پُرجوش سٹیج پرفارمنس اور تیز، طاقتور آواز کے لیے مشہور تھیں۔
گلوکارہ کی موت کا اعلان ان کے آفیشل انسٹاگرام پیج پر ایک پوسٹ کے ذریعے کیا گیا جس میں بتایا گیا کہ ان کا انتقال سوئٹزرلینڈ میں ہوا جہاں وہ 80 ملین ڈالر مالیت کے گھر میں ریٹائرمنٹ کی زندگی گزار رہی تھیں۔
خیال رہےکہ ٹرنر گریمی ایوارڈ کیلئے 25 بار نامزدکی گئی تھیں اور انہیں 8 بار یہ ایوارڈ ملا جبکہ 3 بار لائف ٹائم گریمی ایوارڈ سےبھی نوازا گیا۔
