گوگل نیوز پر ہمیں فالو کریںپاکستان کرکٹ بورڈ (پی سی بی) مینجمنٹ کمیٹی کے سربراہ نجم سیٹھی نے سوشل میڈیا اکاؤنٹ ٹوئٹر پر ٹوئٹ کرتے ہوئے کہا ہے کہ جو لوگ جعلی خدشات پھیلا رہے تھے وہ غلط ثابت ہوئے ہیں۔
نجم سیٹھی نے اپنی ٹوئٹ میں کہا کہ قومی ٹیم کے کپتان بابر اعظم آج مجھے ملنے کیلئے آئے تھے، میں نے انہیں کہا ہے کہ وہ نیوزی لینڈ کے خلاف ون ڈے اور ٹی ٹونٹی سیریز میں قومی ٹیم کی قیادت کریں گے۔
پی سی بی مینجمنٹ کمیٹی کے سربراہ نجم سیٹھی نے کہا کہ اس ملاقات کے بعد پاکستان کرکٹ بورڈ نے نیوزی لینڈ کیخلاف سیریز کیلئے ون ڈے اور ٹی ٹوئنٹی اسکواڈز کا اعلان کردیا۔
مزید پڑھیں:نیوزی لینڈ کیخلاف ٹی ٹوئنٹی اور ون ڈے سیریز،قومی سکواڈ کا اعلان کر دیا گیا
نجم سیٹھی کا مزید کہنا تھا کہ جو لوگ جعلی خدشات پھیلا رہے تھے وہ غلط ثابت ہوئے ہیں۔
