گوگل نیوز پر ہمیں فالو کریںلاہور: قومی کرکٹ ٹیم کے کپتان بابراعظم نے ٹی ٹوئنٹی کرکٹ میں تیز ترین 9 ہزار رنز بنا کر ایک اور ریکارڈ اپنے نام کرلیا۔
پشاور زلمی کے کپتان نے ایچ بی ایل پی ایس ایل 8 کے ایلیمنیٹر 1 میں اسلام آباد یونائیٹڈ کے خلاف اپنی اننگز کے دوران 35واں رن لے کر یہ سنگ میل عبور کیا۔
بابر اعظم نے 245 ویں ٹی ٹوئنٹی اننگز میں 9 ہزار رنز مکمل کیے جبکہ یونیورس باس کہلائے جانے والے کرس گیل نے یہ سنگ میل 249 اننگز میں حاصل کیا تھا۔
بابراعظم اب بھی ہمارے کپتان ہیں، وہ بادشاہ میں وزیر ہوں، شاداب خان
اس فہرست میں تیسرے نمبر پر ویرات کوہلی اور چوتھے نمبر پر ڈیوڈ وارنر ہیں، دونوں نے بالترتیب 271 اور 273 اننگز میں 9 ہزار رنز مکمل کیے۔
واضح رہے کہ بابر اعظم نے 8 ہزار سے 9 ہزار رنز کا سفر صرف 27 اننگز میں مکمل کیا۔
اسی طرح بر اعظم ٹی ٹوئنٹی کرکٹ میں تیز ترین 7 ہزار رنز بنانے کا اعزاز بھی رکھتے ہیں۔ تیز ترین 8 ہزار رنز اور تیز ترین 6 ہزار رنز کی فہرست میں بابر کا دوسرا نمبر تھا۔
