گوگل نیوز پر ہمیں فالو کریںاسلام آباد: پاکستان تحریک انصاف کے رہنما فواد چوہدری کا کہنا ہے کہ ان کی امریکی سفیر ڈوبلڈ بلوم اور سینئر سفارتی عملے سے ملاقات ہوئی ہے۔
ٹوئٹر پیغام میں فواد چوہدری نے کہا کہ امریکی سفیر ڈونلڈ بلوم اور سینئر حکام سے ملاقات اچھی رہی، ملاقات میں پاکستان میں انسانی حقوق کی خلاف ورزیوں پر خاص طور پر بات ہوئی، امریکی حکام کو حکومت کے سیاسی مخالفین کے خلاف قوانین کے غلط استعمال پر تحفظات سے آگاہ کیا۔
Had a good meeting with US ambassador and senior officials. The worsening HR situation in Pak was a particular focus of discussion. I apprised US officials on PTI concerns on misuse of Anti-Terrorism and Blasphemy laws by the PDM Govt against political opponents.
— Ch Fawad Hussain (@fawadchaudhry) February 16, 2023
وزیر اعظم شہباز شریف کا زلزلے سے متاثرہ ترکیہ کیلئے دلی تعزیت کا اعادہ
پی ٹی آئی رہنما کے مطابق امریکی حکام کو بتایا کہ حکومت انسداد دہشتگردی اور توہین مذہب کے قوانین کا غلط استعمال کر رہی ہے، ملاقات میں سیاسی صورت حال اور اس پر پی ٹی آئی کے مؤقف پر بھی گفتگو ہوئی۔
فواد چوہدری کا کہنا تھا کہ ایسی ملاقاتیں برابری کی سطح پر دو طرفہ تعلقات کی خواہش اور عوامی فلاح کا حصہ ہیں۔
خیال رہے کہ 29 نومبر 2022 کو بھی فواد چوہدری نے امریکی سفیر سے ملاقات کی تھی۔ انہوں نے سفیر سے ہونے والی ملاقات کو روٹین کا اقدام قرار دیا تھا۔
