گوگل نیوز پر ہمیں فالو کریںکراچی: الیکٹرک بس سروس کی کامیابی کے بعد، سندھ حکومت اور ایشیائی ترقیاتی بینک (ADB) نے پیپلز الیکٹرک بس سروس (PBS) کے لیے الیکٹرک بسوں کے ایک اور کھیپ کی خریداری میں تعاون کرنے پر اتفاق کیا ہے۔
یہ معاہدہ جمعرات کو وزیر اعلیٰ سندھ سید مراد علی شاہ اورایشیائی ترقیاتی بینک کے ایک وفد کے درمیان ملاقات کے دوران کیا گیا جس کی سربراہی تنظیم کے کنٹری ڈائریکٹر یونگ یی کر رہے تھے۔
وزیراعلیٰ سندھ مراد علی شاہ نے دعویٰ کیا کہ کراچی میں پیپلز بس سروس یہاں کے مقامی لوگوں کی زندگیوں میں بہتری لائی ہے۔
ایشیائی ترقیاتی بینک کے کنٹری ہیڈ نے وزیر اعلیٰ سندھ کو بینک کے تعاون کی یقین دہانی کرائی جس کے بعد اے ڈی بی کے متعلقہ سیکٹر افسران اور صوبائی حکومت کے پلاننگ اینڈ ڈویلپمنٹ (پی اینڈ ڈی) کے افسران پر مشتمل ایک کمیٹی تشکیل دی گئی جو اس منصوبے کی رسمی کارروائیوں کو حتمی شکل دے گی۔
مزید پڑھیں:کراچی کے عوام کیلئے خوشخبری، بجلی کی قیمت میں 10 روپے 80 پیسے فی یونٹ کمی
واضح رہے کہ جون 2022 میں سندھ حکومت نے اپنی پیپلز بس سروس کا پہلا روٹ متعارف کرایا۔ شہر بھر میں تقریباً 100 بسیں چھ سے زیادہ مختلف بس روٹس پر چل رہی ہیں۔
