گوگل نیوز پر ہمیں فالو کریںکراچی: پاکستان پیپلز پارٹی کے کو چیئرمین اور سابق صدر آصف علی زرداری نے نیب ترمیمی ایکٹ کے تحت پارک لین ریفرنس کو بھی چیلنج کردیا۔
ذرائع کا اس حوالے سے کہنا ہے کہ نیب ترمیمی ایکٹ کے نفاذ کے بعد بالخصوص سیاسی شخصیات کی جانب سے مقدمات کی واپسی کا سلسلہ جاری ہے، سابق صدر آصف زرداری نے پچھلے کئی مقدمات کے بعد پارک لین ریفرنس کو بھی نیب قوانین میں ترمیم کے تحت چیلنج کردیا۔
سابق صدر نے وکیل کے توسط سے دائر درخواست میں موقف اختیار کیا ہے کہ ترمیمی ایکٹ کے بعد پارک لین ریفرنس پر احتساب عدالت کا دائرہ اختیار نہیں رہا، عدالت پارک لین ریفرنس واپس کرے یا بری کردے۔
مزید پڑھیں:حکومت کا توشہ خانہ کے تحائف کی تفصیلات پبلک کرنیکا فیصلہ
واضح رہے کہ پیپلز پارٹی کے شریک چیئرمین ٹھٹھہ واٹر سپلائی میں اے سی اور 8 ارب روپے کے لین دین کے ریفرنسز میں پہلے ہی ریلیف حاصل کر چکے ہیں جب کہ عدالت نے ریفرنس نیب کو واپس بھجوا دیا کیونکہ یہ کیس عدالت کے دائرہ اختیار میں نہیں آتا۔
