گوگل نیوز پر ہمیں فالو کریںکراچی: سندھ ہائیکورٹ نے قومی اداروں کے خلاف تضحیک آمیز بیان دینے کے مقدمے میں پولیس کو پی ٹی آئی رہنما شہباز گل کی گرفتاری سے روک دیا۔
عدالت نے پولیس کو پی ٹی آئی رہنما شہباز گل کے خلاف کراچی میں درج مقدمات میں گرفتاری سے روکتے ہوئے آئی جی سندھ و دیگر کو 12 جنوری کے لیے نوٹس جاری کردیئے۔
شہبازگل کے خلاف سرجانی ٹاون، بریگیڈ اور رضویہ تھانوں میں مقدمات درج ہیں۔درخواست گزارکا موقف تھا کہ اداروں کے خلاف تضحیک آمیزبیان دینے پر لاہور کے تھانا مانگا منڈی میں مقدمہ درج ہوچکا ہے، ایک واقعہ کا ایک ہی مقدمہ درج کیا جاسکتا۔
کراچی میں کل سے کڑاکے کی سردی پڑیگی، محکمہ موسمیات نے خبردار کردیا
پی ٹی آئی رہنما نے سندھ میں درج مقدمات کالعدم قرار دینے کے لیے سندھ ہائیکورٹ میں درخواست دائر کررکھی ہے، استدعا کی حتمی فیصلہ نہیں ہوجاتا، پولیس کو شہباز گل کو گرفتار کرنے سے روکا جائے۔
دوسری جانب عدالت کے باہرشہباز گِل کے وکیل ظہور محسود ایڈووکیٹ نے میڈیا سے گفتگو کرتے ہوئے کہا کہ عدالت نے کیس کے فیصلوں تک شہباز گِل کی گرفتاری سے روک دیا ہے۔
