گوگل نیوز پر ہمیں فالو کریںمولانا طارق جمیل کو گزشتہ روز دل کا دورہ پڑنے پر کینیڈا کے اسپتال میں داخل کیا گیا تھا، تاہم آج انہوں نے اپنی تصویر کے ساتھ ٹوئٹ کرکے مداحوں کو خیریت سے آگاہ کیا۔
مولانا طارق جمیل نے اسپتال کے بیڈ بیٹھے ایک تصویر کے ساتھ ٹوئٹر پیغام میں لکھا کہ ’‘ اللہ کے فضل اور آپ احباب کی دعاؤں سے اب طبیعت قدرے بہتر ہے. تین دن مزید اسپتال میں ڈاکٹرز کے زیرِ نگہداشت رہنے کے بعد انشاء اللہ ڈسچارج کر دیا جائے گا’’۔
اللہ کے فضل اور آپ احباب کی دعاؤں سے اب طبیعت قدرے بہتر ہے. تین دن مزید ہسپتال میں ڈاکٹرز کے زیرِ نگہداشت رہنے کے بعد انشاءاللہ ڈسچارج کر دیا جائے گا. مزید دعاؤں کی درخواست ہے. pic.twitter.com/4t0OrLzaOP
— Tariq Jamil (@TariqJamilOFCL) December 28, 2022
مولانا طارق جمیل کے بیٹے نے اپنے ٹویٹر پیغام میں کہا تھا کہ ان کے والد کی طبعیت اب بہتر ہے لیکن ڈاکٹر انہیں ابھی مزید کچھ دن اسپتال میں رکھنا چاہتے ہیں۔
بدھ کو ایک ٹویٹ میں یوسف جمیل کا کہنا تھا کہ ’محترم مولانا طارق جمیل صاحب اب بہت بہتر ہیں‘۔
الحمدللہ ثم الحمدللہ والد محترم مولانا طارق جمیل صاحب اب بھت بھتر ھیں۔
تین دن تک ڈاکٹرز نے ھسپتال میں اپنی زیر نگرانی رکھنا ھے۔
بس آپ سے مزید دعاوں کی درخواست ھے????????????????????????۔— Yousaf Jamil (@YousafjamilMTJ) December 28, 2022
مولانا طارق جمیل کو اس سے قبل جنوری 2019ء میں بھی دل کا دورہ پڑا تھا جس کے بعد انہیں لاہور کے مقامی اسپتال منتقل کیا گیا تھا، تاہم انہیں انجیو گرافی کے بعد گھر جانے کی اجازت دے دی گئی تھی۔
پاکستانی حکومت نے مولانا طارق جمیل کو گزشتہ برس ’پرائڈ آف پرفارمنس‘ ایوارڈ سے نوازا تھا۔
