گوگل نیوز پر ہمیں فالو کریںواشنگٹن: امریکی حکومت نے اڑن طشتریوں پر دفاعی انٹیلی جنس رپورٹ کا ایک ڈی کلاسیفائیڈ ورژن جلد پبلک کرنے کا فیصلہ کیا ہے۔
تفصیلات کے مطابق اڑن طشتریاں جنہیں عموماً یو ایف اوز کہا جاتا ہے، ان کی ایک رپورٹ امریکی دفاعی انٹیلی جنس نے دوبارہ برانڈ کی جو آئندہ دنوں میں منظرِ عام پر آنے کی توقع کی جارہی ہے۔
کراچی کی سڑکوں پر آج سے الیکٹرک بسیں چلیں گی
امریکا سمیت دنیا بھر میں اڑن طشتریوں کے متعلق تجسس رکھنے والے عوام کو امید ہے کہ حکومت کی جانب سے رپورٹ پبلک کی جائے گی تاہم اس میں امریکی فوج کے مشاہدہ کردہ سیکڑوں یو ایف اوز میں سے کسی کی بھی جانچ کا امکان نہیں۔
یو ایف اوز کی رپورٹ کے متعلق امریکی میڈیا کا کہنا ہے کہ اڑن طشتریاں کیا ہیں؟ اس کے متعلق نتائج اخذ کرنے کیلئے بہت کم ڈیٹا کا تجزیہ کیا گیا ہے تاہم امریکی محکمۂ دفاع نے اس تاثر کی تردید کی۔
ترجمان امریکی محکمۂ دفاع سیو گف نے اپنے ایک بیان میں کہا کہ ہم اڑن طشتریوں کے متعلق زیادہ سے زیادہ ڈیٹا اکٹھا کر رہے ہیں، اور جب بھی ممکن ہوا، اپنے نتائج عوام کے سامنے لائیں گے۔
تاہم ترجمان محکمۂ دفاع نے کہا کہ امریکی حکومت غیر ملکی مخالفین کو حساس معلومات افشا کرنے سے گریز کے حوالے سے محتاط رہنا چاہئے کہ ہم ان معلومات تک کیسے رسائی حاصل کرتے ہیں۔
