پہلے جو ہوچکا ہو اسے بھلانا پڑتا ہے،ورلڈکپ کی تیاری کر رہے ہیں، رضوان

کرائسٹ چرچ: پاکستان کرکٹ ٹیم کے وکٹ کیپر بیٹر محمد رضوان نے موجودہ ہونے والی سیریز کو ورلڈکپ کی تیاری قرار دے دیا۔ پہلے جو ہوچکا ہو اسے بھلانا پڑتا ہے۔

محمد رضوان نے کرائسٹ چرچ میں میڈیا سے بات کرتے ہوئے کہا کہ سیریز کے آغاز میں جیت ملنا بہت اچھی چیز ہے، ہر جیت سے انرجی میں اضافہ ہوتا ہے اور ہم ورلڈکپ کی تیاری کر رہے ہیں۔

اُنہوں نے کہا کہ کل کے میچ سے متعلق کچھ نہیں کہہ سکتا،کنڈیشنز کے مطابق فیصلہ کریں گے کیونکہ ہر میچ میں مختلف مشکل کنڈیشنز آسکتی ہیں پہلے جو ہوچکا ہو اسے بھلانا پڑتا ہے۔

مزید پڑھیں:محمد رضوان نے ٹی ٹوئنٹی میں بطورِ وکٹ کیپر سب سے زیادہ رنز بنانے کا اعزاز حاصل کرلیا

محمد رضوان کا کہنا تھا کہ پچ بہت اچھی اور بیٹنگ کے لیے ساز گار تھی اس کے علاوہ بولرز نے اچھی بولنگ کی اس لیے ہم آسانی سے میچ جیت گئے۔ہم کچھ مختلف کرنیکی کوشش کر رہے ہیں اس کے لیے ہم کنڈیشنز سے ہم آہنگ ہو رہے ہیں۔