کراچی میں بارش کا سلسلہ جاری، بجلی کی بندش سے شہری پریشان

کراچی میں جہاں بارش کا سلسلہ جاری ہے وہیں مختلف علاقوں میں ہونے والی بارش کے باعث بجلی کی بندش سے شہری بے حد پریشان ہیں۔

کراچی کے علاقے لیاقت آباد سی ون ایریا میں رات 11 بجے سے بجلی بند ہے،علاقہ مکینوں کا کہنا ہے کہ بجلی کی بندش سے روز مرہ کے کام متاثر ہورہے ہیں۔

سعدی ٹاؤن میں دو گھنٹے سے بجلی غائب ہے، شہری اذیت کا شکار ہے۔

دوسری جانب کراچی کے مختلف علاقوں میں رات کو شروع ہونے والی تیز اور ہلکی بارش کا سلسلہ اب بھی جاری ہے جس کے باعث کئی سڑکوں اور گلیوں میں پانی میں جمع ہوگیا ہے۔

رات کو ہونے والی بارش کے بعد کے ڈی اے چورنگی، بورڈ آفس، نمائش چورنگی، ناگن چورنگی، گودھرا روڈ، پاور ہاؤس، یوپی موڑ، نیو کراچی، نارتھ کراچی اور سرجانی ٹاؤن کی متعدد سڑکیں زیر آب آگئی تھیں۔