گوگل نیوز پر ہمیں فالو کریںمقبوضہ جموں و کشمیر میں مسلسل 93ویں روز جاری کرفیو کے باعث عوام ضروریاتِ زندگی سے بدستور محروم ہیں جبکہ گزشتہ 3 ماہ کے دوران کشمیری سیاسی قیادت اور عوام الناس سمیت تقریباً 6300 افراد بھارتی فوج کی حراست میں ہیں۔
وادی کشمیر، جموں اور لداخ کے علاقوں میں بھارتی فوج کے سخت محاصرے، انٹرنیٹ، موبائل اور ٹی وی سمیت تمام ذرائع مواصلات کی معطلی کے باعث بے یقینی کی فضا قائم ہے۔
یہ بھی پڑھیں: کربلا میں مشتعل مظاہرین نے ایرانی قونصل خانے پر عراقی پرچم لہرا دیا
کشمیر میڈیا سروس کے مطابق پری پیڈ موبائل سروس اور دیگر ذرائع ابلاغ پر مکمل طور پر پابندی عائد ہے جس کے باعث مظلوم کشمیری عوام پتھر کے دور میں زندگی بسر کرنےپر مجبور ہیں۔
عوام اور طلباء کی دفاتر اور اسکولوں میں آمدورفت مکمل طور پر بند ہے جبکہ گھروں میں محصور عوام زندگی بچانے کی ادویات، کھانے پینے کی اشیاء اور دیگر اشیائے ضروریہ سے محرومی کا سامنا کر رہے ہیں۔
یاد رہے کہ اس سے قبل حریت رہنمایاسین ملک کی اہلیہ مشال ملک نے کہا کہ مظلوم کشمیری عوام پر مسلسل کرفیو کو 3 ماہ گزر چکے ہیں، بھارت کے کرفیو کے باوجود مظلوم کشمیری آزادی کے لیے جدوجہد کر رہے ہیں۔
مشال ملک نے گزشتہ روز اپنے ویڈیو بیان میں کہا کہ نہتے کشمیریوں کو محصور کرنے والی بھارتی فوج خود کو بہادر سمجھتی ہے لیکن لاکھوں قربانیوں کے باوجود کشمیری عوام اپنے مقصد کے حصول سے پیچھے نہیں ہٹیں گے۔
مزید پڑھیں: کشمیری کرفیو کے باوجود آزادی کے لیے جدوجہد کر رہے ہیں۔مشعال ملک
