عثمان بزدار کا وزارتِ اعلیٰ سے استعفیٰ دینے کے بعد الوداعی پیغام

لاہور: وزیر اعلیٰ پنجاب سردار عثمان بزدار نے عہدے سے استعفیٰ دینے کے بعد اپنے الوداعی پیغام میں کہا ہے کہ وزارتیں اور عہدے آنے جانے والی چیز ہیں۔

سماجی رابطے کی ویب سائٹ ٹوئٹر پر اپنے پیغام میں وزیر اعلیٰ پنجاب عثمان بزدار نے کہا کہ میں نے اپنا استعفیٰ وزیر اعظم عمران خان کو پیش کردیا ہے اور منظوری کے بعد وزارتِ اعلیٰ چھوڑ دوں گا۔

یہ بھی پڑھیں:

تحریکِ عدم اعتماد، ایم کیو ایم آئندہ 36گھنٹوں میں فیصلہ کر لے گی۔ امین الحق

ٹوئٹر پیغام میں وزیر اعلیٰ عثمان بزدار نے تحریک انصاف کی وفاقی حکومت سے عہد نبھانے کا عزم ظاہر کرتے ہوئے کہا کہ عہدے اور وزارتیں آنے جانے والی چیز ہیں۔ پارٹی اور عوام سے کمٹمنٹ ہی سب سے اہم ہے۔

میں نے وزیراعظم عمران خان صاحب کو اپنا استعفیٰ پیش کر دیا ہے اور منظوری کے بعد وزارت اعلیٰ چھوڑ دوں گا

وزارتیں اور عہدے آنے جانے والی چیز ہیں، پارٹی اور عوام سے کمٹمنٹ ہی سب سے اہم ہے

نئے پاکستان کے عزم کی تکمیل میں ہمیشہ وزیراعظم عمران خان کے شانہ بشانہ کھڑا رہوں گا

— Usman Buzdar (@UsmanAKBuzdar) March 29, 2022

پیغام میں وزیر اعلیٰ پنجاب سردار عثمان بزدار نے کہا کہ میں نئے پاکستان کے عزم کی تکمیل میں ہمیشہ وزیر اعظم عمران خان کے شانہ بشانہ کھڑا رہوں گا۔ خیال رہے کہ وزیر اعلیٰ عثمان بزدار کی نشست پر پرویز الٰہی کی آمد کیلئے راہ ہموار کی جارہی ہے۔

خیال رہے کہ اس سے قبل اسپیکر پنجاب اسمبلی پرویز الٰہی کے وزیر اعلیٰ بننے کی راہیں ہموار ہو گئیں۔ منحرف اراکینِ اسمبلی نے بھی پرویز الٰہی کی حمایت کا اعلان کرتے ہوئے کہا کہ ہم عمران خان کے ساتھ ہیں۔ ان کے فیصلے کی حمایت کریں گے۔